我鍾意咗我親生姐姐，但係佢已經有男朋友？！: 人生相談（5）

每次見到太一同花音嘅人格互換都覺得好正，雖然太一本身已經生得好似女仔但係變做花音嗰段時間，我都好可惜點解佢唔可以永遠維持女仔嘅模様。如果花音唔係太一嘅半身，我敢斷言佢應該一早已經係我專屬女神候補。

「喂！花音佢叫我比呢枝唔知咩髮叉你喎！你又同佢講咗啲咩….你唔會暗戀我掛..」太一一臉嫌棄咁望住我。

呢度等我澄清吓啦，雖然太一同花音嘅人格係獨立個體，不過花音可以透過強制意識傳送去將「某部份重要訊息」𣊬間轉移至太一腦電波內。呢個就係花音另一款能力「心電感應」，可以令想講嘅對話以「念話」形式通過媒介直達對方思考空間。

當我伸手去攞枝髮叉嘅時候，一股念音傳入我大腦容量內。

「啊唏，呢度係我沉睡前嘅最後留言…你可能會好奇點解一搵到太一，而我又會存在於佢體內。咁啱得咁橋我又會同你講倒關於女神候補嘅事。我只能夠話因為好多野都係冥冥中注定…［神嘅血脈］係會互相吸引，一切都係命運嘅指定。」





「呢枝髮叉係失落神器，我會擁有佢係因為太一亦係選舉神話嘅守護者轉世之一，佢係負責監視你嘅最終決定…當然我嘅出現就係為咗保護佢人類靈魂嘅自我守護機制。」

「神器就係神魂嘅拘束器，一旦女神被選中，佢就會同受肉體融合，將女神嘅祝福注入被挑選對象體內。咁樣你就會同佢永遠喺埋一齊。而落選嘅對象就被視為墮神，永遠都唔可以再同你有任何接觸，記憶會永久消除….就算再見返面，都會不停地重複［記憶移除］呢件事。」

我開始怨個天點解要將如此重任交比我…

我：「咪撚傻啦，我點會鍾意你個基佬…」

明明一開始都係想搞下三角戀，真係唔知點解搞搞下會滿天神佛。我拎住枝神器，胃口都冇哂…. 寧願做返以前on99嘅自己…