我鍾意咗我親生姐姐，但係佢已經有男朋友？！: Molly的約會（6）

行完畫展後，時間嚟到晏晝兩點，我哋個肚都餓到咕咕聲。Molly聽到自己個肚仔發出巨響不自覺「嘿嘿」咁傻笑咗下，露出尷尬而不失禮貌嘅苦笑。

我：「咁不如我哋去食少少野先繼續下場。我知道附近有間好好食嘅街店，入面啲腸粉好正，包你滿意。」

Molly:「又好啫，我都好耐冇食過中菜。」

行走途中，我突然醒起Molly話佢之前係日本出世就乘機問下佢以前嘅點滴。

我：「你話你以前仙台大，咁啲牛舌係咪真係咁出名架。我記得好多人好鍾意佢哋嘅口感，係牛魔王嘅必經之地。」





Molly:「都係嘅，我食過咁多種肉，都係最鍾意仙台嘅牛，肉質彈牙，味道又唔太咸冇咩油淋淋feel。最緊要係食完個口唔會好大陣味，女仔好著重呢啲。」

我：「我都好想去一次仙台…好想食牛，好想屌日本妹啊！」

Molly停低之後行近我，喺我耳邊以吹氣嘅口吻講咗句：「我咪日本妹囉～你係咪。想。屌。我。啊～」

我成個人硬晒駄，好想立即，即刻，現在，將佢周地正法，將佢超渡。Molly見我死忍爛忍就露出半月彎嘅勝利式笑容，安心收手。為咗平復心情，我又開咗另一個話題。

我：「講開又講，我以前小學嗰陣又遇到過一個大姐姐，佢係我地學校嘅中學生。佢好靚，好似都係土生土長嘅日本人，但係份人好純真，完全唔似某人咁咸濕。」





我故意鬥嘴咁比啲說話佢聽，但Molly完全唔服輸，係都要鬥贏我。換作其他人我一定會大發雷霆，不過如果係Molly，我反而覺得係恩愛夫妻之間嘅調情。

Molly:「我夠中學果陣識得一個男仔，佢細我幾年，講咗會保護我。就算只係小朋友，我都覺得佢好有男子氣概，係男人中嘅男人。佢一世都係我嘅王子殿下。」

我諗返起以前，的確係同過個女仔講類似嘅嘢，仲話咩誓死保護佢。而且因為家姐個樣同佢好似，我先會咁迷戀家姐。果個女仔可以話係我自懂事以來嘅初戀。不過應該唔會咁啱嘅，如果Molly真係佢，個世界未免太細啦。而且Molly直頭靚到入得世界百大美女，更加冇可能係佢。

我：「係啦係啦，我錯啦對唔住啦，女。朋。友。大人！笑返先啦～乖乖。」

Molly:「哈哈！你咁大個人正經少少啦，傻仔。」佢俾我風華絕代嘅幽默引到破防，笑到全部人都望住佢。





我：「咁你原諒我啦下～」

Molly：「睇你陣間表現啦。」

口嫌體正直嘅佢靜靜雞拖返住我隻手…