我鍾意咗我親生姐姐，但係佢已經有男朋友？！: Molly的約會（1）

「モしモしょ！」爽朗嘅聲音直擊我毒毒嘅心靈。

原本我企左係太子大半個鐘，烈日當空之下要我暴曬咁耐我一定會屌柒條友遲到。但係當Molly拍拍我膊頭，見到佢化咗個咁靚嘅妝，我覺得自己早死十年絕對值得。

應該話不愧係日系少女，如果家姐係地雷系美人，molly一定係成熟嘅大和撫子風女王。雖然佢同家姐有七成似，但係性格完全完全相反。講返今日個妝，正常人一定carry唔到高額髮型，因為露額好容易令面部顯肥。但！係！Molly嘅面形絕對係top中之top，佢識得運用兩邊嘅髮側去遮住多餘位置令空間感睇落比較均衡，加上帶咗副con顯得雙眼較大，將包包面嘅缺點全部整走晒。

「嘿嘿！係咪望到入哂神呢～請叫我仙台第一美少女。」

佢燦爛嘅笑容不帶半點虛假，同家姐嘅古靈精怪唔同，同小倩嘅小惡魔唔同，每次望到Molly都會諗返起第一次喺成人用品店初遇佢嘅純真。佢嘅一舉一動都會令任何人一視難忘嘅「初戀感」，配上佢傻大姐嘅性格真係史上最強嘅理想型。





「搞咩呀～唔係真係迷上本小姐呀嘛？」


Molly語帶戲弄咁捏咗我面豬登一下，泛紅嘅臉頓令佢更加性感。唔知係咪太耐冇見，短短幾句開場白我個心已經跳得好快完全透唔到氣。「明明之前同佢都叫搞過野，應該好易可以handle佢」呢類污糟嘅諗法完全一掃而空。對於A0嘅我而言，佢實在係太燿眼，偶像級別嘅氣場籠罩住佢全身。周圍附近嘅男人全部眼甘甘望實佢，好似想食撚咗佢咁。


「我…我…. 可唔可以同你結婚…」

見到佢咁索嘅妝束，個腦已經hang哂嘅我唔經大腦就鳩嗡咗啲異想天開嘅台詞出嚟。不過估唔到佢又接倒我啲對白…






「吓？我哋仲係男女朋友咋喎..咁快結婚？」


Molly做出一副怕羞仔嘅表情掩住面部扭嚟扭去窒返我轉頭。（之前Molly有同阿唏扮過情侶，呢度用返個梗）


「sorry…個幾月冇見，你又靚咗…」詞窮嘅我表示只可以咁讚佢。雖然有啲擔心佢會唔會以為只係客套說話。

Molly即刻扁起佢個咀仔：「你一定係咁樣flirt啲女啦～你家姐仲有上次同你出街個小倩。」






「我冇呀…真係冇呀。不過..你又會記得個女仔叫小倩嘅。」

唔知係咪踩中咗佢地雷點，佢少有咁叉腰：「我記性好啫，你唔好諗太多，你個蠢材。」佢更罕有地彈左我額頭一下，大步大步谷起個咀仔向前行。（阿唏心諗：如果家姐有佢一成溫柔就發達…）

「Molly…可以同你出街我真係好開心。」我就咁喺條街度同佢講呢啲肉麻到爆嘅嘢。本來我都唔想講出口，但係我唔想錯過任何一個可以表達內心感受嘅時刻。雖然我內心某處係想詐型扮下漫畫嘅主角，但係估唔到molly竟然開心到流眼淚。

「我幾驚你會覺得同我出街悶，你知唔知我琴晚喺度諗如果個妝化得唔掂咁點？之後又諗如果dead air咁你會覺得覺得我無聊。」Molly一輪咀講埋啲小學生先會擔心嘅話，目睹呢位26歲女士嘅所作所為，反差力令我對佢嘅好感越嚟越高。

「總之.. 你要負責任呀！男。朋。友。嘅責任。」


佢邊抹眼淚邊緩緩伸出手拉住我隻手。