我鍾意咗我親生姐姐，但係佢已經有男朋友？！: 甜蜜少女的回味（Molly篇）［Molly視覺］

其實我同呀晞真係唔係識咗好耐，不過佢又比倒安全感我，可能佢都係一個好男人嚟嘅，下次要再同佢出街先得。

就係我仲發呆，諗緊呀晞啲嘢嘅同時，我都返到屋企。

「今日真係玩到好盡興，下次一定要再出嚟呀！男朋友仔！」

我思考左好耐，應該點樣寫先唔會尷尬呢？第一次send訊息比佢唔可以太越界，如果唔係就會顯得我好隨便。

「喂！掛唔掛住我呀？」





「你今日搞到我濕曬啦！」

「你今日係咪偷睇我換衫呢？我知道架（笑）」

唔得唔得唔得，第一次就講呢啲嘢同雞有咩分別。於是我決定換個衫，沖個靚涼，飲杯奶先再send message比佢。換著係平時同我出街嘅男仔，我睬佢有味。

「唉～我都到咗唉聲嘆氣嘅年紀啦...」我同自己講，之後就入咗浴室。

「果然都係沖涼令我最醒神，一日之計在於晨，一晚之計在於淫。夜麻麻諗住男仔發姣先係活著嘅真理！」暖暖哋嘅水蓋過我身體，望住啲熱氣升上黎就好似浸緊溫泉，令我身心舒暢，一日嘅彼勞全部煙消雲散。我細細力用番梘洗身，滑劣劣好舒服。我醒起阿晞今日摸我個頭嘅情景下面就癢癢地。





「布布布布布布布...」

我將成個人訓底，一邊吹啲氣上去，一邊喺水底自言自語，每次我將成個身浸入上底就會有一種洗滌心靈嘅感覺，好似比大自然包圍入咗另一個世界。

沖左三十分鐘之後，力量返曬黎，我攤左係床上面，回想今日發生嘅事，同阿晞去咗好多地方講咗好多野，傾咗好多計。我合埋眼放鬆自己，唔夠五分鐘就瞓著左。

電話上面有一段文字。

「多謝你，我好開心！」