我鍾意咗我親生姐姐，但係佢已經有男朋友？！: 假裝約會？

Andrew係一個MK仔，不過屋企有啲錢就成日此住有少少家底，書又唔讀，學又唔返，日日蒲機鋪。而愛上Molly嘅契機係同fd去成人店嘅時候見到佢嘅笑容而一見鍾情，呢啲童話般的情節時不時都發生，只係大多數出現喺有錢仔身上。

「Dee Dee, 你睇落同Molly好熟喎，扑左未呀？」

佢似乎嘲笑緊我，不過宜家情況對我不利，呢度全部都係佢啲人，一輕舉妄動隨時比人打死。

為咗幫自己爭返淡氣，我下意識拉走Molly然後將佢個頭塞入我胸襟度，「熟唔熟就唔知，不過同佢kiss過下咁囉！」反正都係虛張聲勢，就有咁大吹咁大，「之前仲咬過佢耳仔同奶過佢啲老泥，吸過佢啲鼻屎咁，你試過未呀？」

Andrew旁邊有個四眼仔，叫阿俊，佢突然加把死人口「你宜家係咪即係落我哋大佬面啊？」





佢哋幾條友企曬起身瞪大雙眼，似足古惑仔，話佢地撈偏都不為過。

「我...」

不過Molly都不失霸氣，一手推開阿俊，「你講還講，唔好郁手郁腳，阿晞（即係主角）同你地唔同，係斯文人。所以我先唔鍾意你地。」話就話把聲係弱左啲，不過完全feel倒佢嗰種岡烈。

Andrew望住Molly, 「你真係好有魅力，所以我先咁冧你。」開始喺佢隻手度摸摸下，此刻Molly驚到騰騰震。我雖然同Molly唔太熟，仲覺得佢搞到我一身蟻好煩，但我唔幫佢真係過唔到自己嗰關。

我一腳伸落Andrew個肚，佢成個人飛咗出去，門都爆鳩埋。不足一秒就暈撚咗，趁住呢個空擋我拉走Molly, 一路跑就大聲嗌非禮。其他人慢慢湧曬出嚟，我哋先走得甩。





離開K房之後我同Molly喺條街遊蕩，佢冇放開我隻手。淨係叫我拖大力啲。

「頭先唔該晒你呀！其實我一直都想搵個機會落佢面，我真係好憎佢，又唔係靚仔，但又成日蝦蝦霸霸。」Molly嬲爆爆dum住地下，「我一早就想打佢幾拳，頭先你嗰腳真係好型，一下就KO咗佢！」Molly古惑咁笑咗幾下。

「既然都搞掂咗件事，我哋就去約會一下！你講咗陪我架。唔準反口！」佢用食指指住我個嘴，唔比我講嘢。微微嘅熱度傳入敏感嘅雙唇。

「咁你要去邊呀？」既然應承得佢就唔可以反口，話雖如此，我其實內心都有少少期待。

「秘～密～」





佢行埋嚟攬住我手臂，就好似情侶拍拖咁。