我鍾意咗我親生姐姐，但係佢已經有男朋友？！: 約會？！3

食完雪糕之後，我哋準備行去NAMCO度夾公仔，今期興鬼滅之刃，好多人都鍾意入面一個叫「善逸」嘅男角色。

「喂！喂！係善逸啊！」

家姐都未入到去已經指住個公仔興奮到扎扎跳。

「哦～就係呢個啊嘛？」雖然未聽過呢個角色，不過呢個時候一定要扮下嘢，難得嘅好氣氛點可以白白浪費。

「不過都係算啦...佢啲機一定較過機關嚟，幾舊水都未必夾倒。」家姐望到部機實一實，我又於心不忍。





我毛遂自薦咁企出嚟「呢度就交俾我啦，我假假地以前都叫做夾過下d公仔。」屋企阿媽床頭啲sailor moon公仔有九成都係我夾返嚟，所以對公仔機多少有啲心得。反正今日我都預咗陪佢成日，呢少少錢就當叫雞冇咗。

一入到去部機排曬長龍，等都有排等，不過為咗博佢紅顏一笑，點都要頂硬上。

「唔該二百蚊！」

家姐平時唔多嚟呢啲地方，佢喺學校係屬於超水準嘅女仔，人又靚成績又正，同FD多數都去shopping, 買下衫同手袋咁。「呢張卡係咩嚟架？」佢好似發現新大陸咁，係咁問問問。

「聽住啦，呢張卡係用嚟儲代幣，如果冇呢張卡係夾唔到公仔架。呢度所有設施都要用到佢，不論係影貼紙相定係公仔機。」





難得有機會，一定要趁機拋下書包。

「貼紙相...？」

「做咩呀？你想影咩？呢啲嘢你同Paul影咪得囉。」唔知點解一聽到佢講貼紙相，我就諗到佢同Paul, 個心就跳得好快，好似比人追住咁，係咁透大氣。

「我先唔會同佢影，俾人見倒幾柒啊。況且..」

「況且咩呀。」家姐講講下又唔出聲，所以話啲女人都鍾意收收埋埋。





「冇呀！你問咁多係咪想同我影呀？」佢一副輕挑嘅眼神望住我，嘩屌，個樣古惑到呢。不過個樣就確實迷人嘅！

「...行啦，咁多嘢講。係咪夾啊。」俾佢咁講一講，我細佬又扯起咗，好在今日著黑色褲唔明顯，否則比人見到就大檸樂。

（噔 瞪～lalalaa) (公仔機背景音樂）

輪到我哋果時已經係一個鐘之後嘅事，我哋之前嘅人全部都被冠上「敗者」之名，被眼前嘅「巨型怪物」完全秒殺。

今次要挑戰嘅係屬於穿孔式嘅公仔機，換言之我地要做嘅係將公仔機嘅臂手穿過「善逸」嘅窿，聽落好似好簡單，但實情唔係我哋想像中咁易，如果唔係都唔會有咁多「傷亡」。

「睇落好似幾易喎！」

家姐好大口氣，明明入嚟之前仲「不如算啦」咁嘅語氣。我就睇吓你有幾把炮。

「不如你試吓玩啊，我後補！」我看似好鼓勵佢咁，其實係想睇吓佢由高高在上嘅姿態變做求我幫佢咁。以我老手經驗推斷，呢種機嘅難度係有4/5粒星，係高難度等級。





而家姐嘅第一次夾公仔終於要開始！