屋企突然多咗個唔識嘅人: 陸
今日年初三 雖然係赤口 但係都同大家拜個年 祝大家身體健康 龍馬精神
同埋今日係情人節，祝大家有女嘅，就同你女朋友幸幸福福咁過 冇女好似我咁嘅就匿喺屋企當乜都睇唔到，今日所有嘢都冇發生過
---------------------------------------------------
是咁的，今日初二，琴日本身諗住去表舅父嗰度拜年，點知我死鳩咗，驚佢冇陰陽眼睇唔到我， 所以都係冇去。
阿兒WhatsApp話佢又會去啲三姑六婆啲親戚嗰度拜年，由佢12歲開始，一直都畀人問有冇男朋友嗰啲，佢覺得好撚煩，所以想揾我扮佢男朋友。至於點解唔揾賢仔，佢就話先識得嗰幾日，廢事佢陣間搗亂。
賢仔:你就好啦。
我:你唔係J緊女咩？仲有，關你鳩事咩，死返去打飛機啦。
賢仔:好衰㗎！
我:屌你BL咩，打你嘅飛機啦。
幾驚佢顏射我。
之後我同阿兒約咗11點係元朗西鐵站等。佢親戚住大埔，所以就諗住dun 64K過去。
11點
阿兒著住白衫黑褲出現係我眼前，佢真係好可愛，只可以用仙氣爆發形容佢。
阿兒:等咩呀，行啦。
我:哦...哦哦哦哦，行囉。
話哂第一次同女神，仲要係級女神出街，仲要去大埔，難免會有啲緊張嘅。
落到巴士站，見到架去大埔嘅車，就沖咗上車，點知又死on9，架車冇入錦田八鄉，反而行高速公路。個心畀架車嚇到離一離。
我:你親戚住大埔邊到㗎？
阿兒:大埔超級城嗰頭。
我心情即刻放鬆哂，因為至少唔係林村，康樂園先，同埋坐緊嗰架車兜上水再落大埔，唔經林村。
去到大埔火車站落車，阿兒帶我行返去超級城。
我:點解你咁熟路？
阿兒:我以前細個拜年都會經過咪咁熟囉。
講真，大西北人除咗返工之外都冇乜可能出城，我都冇乜會出城，所以唔熟路都好正常。
行下行下，就到咗佢親戚屋企。
阿兒:記住陣間醒醒定定，唔好柒下柒下咁呀！
我:Yes,sir!
阿兒:Sir你老母咩，madam呀。
我:Sorry madam!
阿兒笑住咁講:唔好講咁多嘢，上去啦。
阿兒真係好得意...
我:你好！恭喜發財，身體健康呀！
阿兒啲親戚(下稱親戚):你係？
忘記咗講，阿兒嗰邊啲人全部都有陰陽眼。
阿兒:佢係我男朋友，阿恆。
親戚:快啲入嚟坐啦！
佢親戚有個仔，叫阿俊，8歲。我心諗:俊？邊撚度俊呀？睇過！靚唔過賢仔都唔應該叫俊。
跟住就同阿兒啲親戚逗下利是吹下水問下我啲學業成績又係嗰啲三姑六婆死人問題咁啦，跟住就入咗阿俊間房。
入咗去之後就同阿兒一直打機同睇YouTube，
冇理過阿俊。
阿俊:表姐呀，理下我啦，好悶呀。
阿兒:好啦好啦，想玩啲乜呀？
阿俊:Lego!
跟住阿兒就同阿俊玩呢Lego，我就係咁坐喺阿俊張床度睇youtube。間中都會同佢哋兩個玩下Lego。
留到夜晚6點就走，因為朝早搭嗰架車就嚟尾班車，而且可以一程就返到天水圍，可以唔使慢慢行林錦公路錦田八鄉到元朗再轉車。
親戚:咁早走呀？
我: 我要趕尾班車呀。
親戚: 咁下次再嚟啦，拜拜。
巴士站
阿兒:不如我送你返去？
我:唔使啦，一個男仔竟然要女仔送返去。
阿兒: 順路吖嘛，反正搭東鐵轉西鐵都係要經過天水圍㗎喇。
我:好啦好啦。
跟住就搭返頭先架車返天水圍。之後阿兒就話肚餓想上嚟我屋企食飯，所以我就叫賢仔落街買餸返上去煮。