屋企突然多咗個唔識嘅人: 伍
落到元朗，竟然見到阿靈。
我whatsapp我朋友嘅同時見到阿靈po咗個動態笑我同小學嗰個肥婆有嘢。吖你老母呀！
見完啲朋友，食完嘢，就即刻返天水圍搵賢仔。因為我想叫賢仔一齊幫我報今日個仇。
原本諗住買杯珍珠奶茶倒落去佢頭度，但係落到元朗唔見佢。
「青磚圍XX號收」我靠住阿靈個自爆動態搵佢屋企喺邊，跟住上咗架614去藍地。杯珍珠奶茶都趁我搭緊車嗰陣飲哂，不過好撚甜，可能係因為我同收銀講話要多糖掛。
到咗藍地，我即刻開google map search「青磚圍XX號」，點知入到去青磚圍嗰度好鬼黑，因為已經夜晚，驚踩到屎，所以開咗手機電筒。
果然我係一個on9仔，忘記咗開電筒係會畀人睇到，所以阿靈即刻po動態話佢屋企突然有道光出現。
賢仔笑住咁講:走先。
我:你係咪咁撚冇義氣呀？我驚之後返學會畀啲有陰陽眼嘅人笑呀！
賢仔:反正都柒咗啦有乜所謂。
我:冇膽鬼。
賢仔:唉算啦，快手搞掂佢就著草走啦。
跟住我就飄咗上去阿靈間房個窗(唔知點解我無啦啦會識飄)，見到佢瞓緊覺。
賢仔:快手啲整完就走啦。
瞓覺喎，梗係搵桶水潑濕佢㗎喇，所以我求其喺附近搵咗個桶裝咗啲水準備潑落去佢個身度。
賢仔:潑咗就快啲走啦，仲留喺度做乜？
我一直跑一直跑跑咗五分鐘到藍地輕鐵站。雖然未出到屯門區，但係離開咗青磚圍都叫好啲。
我:不如落洪水橋食啲嘢先啦，我好餓。
至於點解唔喺藍地食嘢先返屋企呢？因為我驚阿靈嗰啲人會發現到我，同埋平時去屯門都唔會嚟藍地呢啲超級牛屎區。
過馬路嗰陣有架63X停咗喺紅燈度，睇嚟個天都係想幫我快啲甩難。
一路搭車一路睇住阿靈點樣畀我整蠱，睇到笑撚咗。抵鳩佢死，佢唔將我同嗰個肥婆相提並論咪冇事囉。
跟住喺63x總站附近搵咗間茶記食嘢之後返歸。