[純愛］［校園］［一個月的愛情詛咒］: 3.驚喜

又係平平常常咁行返學，最多咪望吓同一條路上面有冇嘅靚女囉。

申利 : 絕對唔係變態，正常男仔都會咁㗎啦

話就話可以望女，但係其實我都幾鍾意自己一個人行嗰陣時嘅感覺。

聽住自己鍾意嘅歌，唔使理人哋講咩。

你知啦，有時有啲煩膠又問左又問右，有啲連今朝食咗乜都要問，爭在未問埋上同埋下，咪如果真係俾佢問晒。





自己一個行又冇人嘈住你，自己又可以慢慢行，睇吓風景，不知幾舒服。

返到學校，上到課室，又係去咗周圍吹水，直到佢入咗嚟。

「早晨阿，那，還番錢比你，琴日真係多謝你呀！」

佢笑咗笑就返埋位，我就呆咗喺度，仲未知道頭先發生咗啲咩事。直到 Miss Chan (班主任）入咗嚟，俾佢鬧點解有條傻仔企咗喺度，我先識返埋位。


今日運氣好似唔錯





又幾驚喜喎

咁小錢佢都會還，比着我就唔理佢啦

呢個女仔又唔錯......

呢啲諗法全部都係我個腦入邊，諗到老師嗌我都唔知

仲要好死唔死，臨放學落堂嗰刻先叫我





係嗰種就嚟到終點攞冠軍嘅時候，突然仆街，變咗最尾嘅感覺

老師：「希，頭先我話今日有啲咩要做？」

「希？」

「xx希！你有冇認真上堂，今日放學同我留低，做晒我哋嗰啲功課先好走！」

我：「我.......好...」
仲同佢講我諗緊女咩，咁就唔止放學留低做功課咁簡單啦


阿欣：「哈，抵死」





我：「使唔使咁呀，依家啲人咁串嘅咩？」

阿欣：「咁你真係抵死嘛，唔阻住你同老師一齊做功課啦，拜拜先，哈」

唉.....功課原本上堂先抄..唔係..係參考，而家就要俾人留堂做晒先走得，有冇得返屋企打....機了呢！

所謂嘅留堂，咪又係老師喺度玩電話，我喺度發白日夢？

唔覺唔覺就過咗幾粒鐘，佢俾咗份答案俾我就叫我返屋企，咁就俾佢嘥左幾粒鐘