妳八歲當天 已是我偶像: 回憶

“整顆心懸在半空 我只能夠遠遠看著 這些我都做得到但那個人已經不是 我”

“Wow,真係不愧係香港周杰倫，真係好撚似”

“係啊，由細聽到大，不知幾中意佢啊，早兩年啊，我重同Louisa佢睇周董佢演唱會，坐到不知幾。。。”

“屌，又提佢，好心你啦，都散左咁耐，重成日提起佢做咩啊，猜兩板先啦！”

“驚你啊，嚟囉!”





(Wts鈴聲)

“等等先，我覆埋先猜啊。”

“邊個嚟，新女啊死仔？睇過~
下！你又搵返佢啊？佢唔係好嬲你咩，上個月啊，先係佢ig度見到佢數臭你，佢應該唔會搵返你條友啊？”

“冇事啦我地。”

“不過我都習慣啦，你地兩條友啊，離離合合咁多次，我都應該估到㗎啦，都唔知講咩好，你地上世撈亂骨頭啊?”





“哈哈，佢都係成日咁同我講，可能係都唔頂啊，我同佢嘅故事真係長過哈里波特啊。”

就係咁講一講，我同Louisa嘅回憶再次係我腦入面湧現。。。


我同Louisa佢之間嘅緣份真係唔知形容好，但佢肯定係上天俾我嘅禮物，係最好嘅禮物。