鬼殲: END

日光照射地面，宏偉嘅城牆光暗分明。車水馬龍嘅地帶內，城門大開繼續歡迎其他城鎮嘅大戶到訪，做大生意，傳聞中嘅冥災真系理L得佢。
 
我同阿川坐緊往鄉村外嘅旅遊巴，已經嚟到城門口，前往尋找阿Ka嘅旅途。既然城內都冇諗住封關唔比鬼怪入嚟，我地同樣，想幾時走你都唔好阻住我。
 
我見到阿川個樣好似冇訓過感，佢會唔會到時搞唔掂班怪？
 
「喂！」
 
佢開口。
 




「琴晚你點解夠姜行落嚟嘅？」
 
佢問我。
 
我求奇答左句嘢。
 
「反正都死，咪搏一搏囉。」
 
阿川聽完後，笑住望返窗外。
 




突然感覺到腿部有微微震動，我打開手機，收到阿Ka嘅短訊。之前一直打比佢都冇人聽，我立即將手機解鎖。