鬼殲: 生後事

結界消除，一切人間嘅事物毫無變化，包括洗車屋內嘅一切。曾經打鬥破壞嘅物件好似莊子夢蝶感化為虛幻，陰間嘅事物無人記錄。
 
我部手機收到嚟自洪哥嘅信息，我心底笑佢一落到去就即刻買新嘢，佢分分鐘好快會用曬手頭上果幾廿億銀。佢將Jimmy女朋友嘅線索交帶比我，魄體就夠鐘落去。我將佢比我嘅訊息send番比Jimmy。
 
「根據你老豆嘅講法呢，你女朋友應該未死嘅。不過呢，佢比班蟲妖帶左去佢地嘅蟲洞入面。意思就系如果你要搵番佢呢，你甚少要滅左一個有幾百隻嘅蟲洞。」
 
「點解要揀佢。」
 
「感點解會揀中你有陰陽眼？」
 




我問返Jimmy，兩個問題都系冇得解。
 
「總之如果你要搵佢，我可以代洪哥同你去。」
 
「你唔系一直避緊d妖架咩。」
 
「畢嬲都好多妖想搵我，但依加呢，我唔淨只欠你老豆。」
 
Jimmy知道我都幫手之後，笑住感話佢去請個病假，跟住走左出洗車房，成個人根本系一個未獨立嘅細路。
 




我歇一歇，坐系近牆壁沙發，等緊未做完嘅手尾。好快，有微微嘅血味傳嚟，但少左份寒氣。
 
「點解你咁幫佢？」
 
聽到洛天流嘅聲音，望住佢坐喺隔離。
 
「所以比火燒系可以令你冷靜返。」
 
「你未答我問題。」
 




佢依然瞪實我，系一隻無曬法力、希望有人幫佢超渡，但又唔肯放棄自尊嘅魂體。
 
「冇幫佢，我系報恩。」
 
「你幫佢清左我都夠啦！仲咩仲要幫佢？唔似你。」
 
「你應該知道妖蟲想將佢女朋友都變做妖怪架。」
 
「so？」
 
「如果佢女朋友變左妖怪，仲系唔系佢女朋友？」
 
我回望返洛天流，佢知道我講緊佢，即刻側開個頭。明明又系自己要問。
 
「快d送我走啦，呢度好污糟呀！」




 
我真系好想講「你本身就系污糟嘢」，不過費事佢嬲住走。
 
超渡法事唔一定系誦經讀字，仲有其他形式都可以做到。
 
我凌晨點幾，系公司茶水間攞走d麵粉，牛油，糖，加埋最緊要嘅超渡草，響度搞嚟搞去。
 
「郭順符你整完未啊，我餓L到仆街啦！」
 
後邊隻嘢就間唔中入呢望下，好似d貓睇下有得食未。我一邊攬拌面糊，一邊同佢傾計。
 
「喂！如果我真系比你殺左。你跟住會點？」
 
過幾秒。
 




「殺埋你恩師個仔。」
 
「感我呢？」
 
「你咁多嘢收埋曬，等上仙界受審啦！」
 
我早知唔問佢，佢個腦系好清楚我嘅事。
 
過一段時間，焗爐叮一聲。我攞出一碟食左可以超渡嘅熱批。
 
佢走過嚟望望個批。
 
「咁7嘅。」
 
「你仲意咪加三次蠟燭上去囉。」




 
果晚嘅撕殺，我差d冇左條命，換嚟嘅系一段以為唔會再出現嘅暖意。
 
佢一邊食，一邊借d耳叫我食啖，條友貪心到想帶埋我超渡。我用術式幫埋寵物曲奇超渡，佢先肯放過我，隻混色貓仲要臨尾咬我一下。
 
女仔本身個名應該掉返轉讀。
 
劉天樂。
 
今晚嘅OT就系為左我嘅血界術女朋友。