是咁的，我同女神做咗鄰居: 246.

「入去涼下冷氣先啦。」我把啊童拉進凌霄閣。 

一打開門，就已感受到陣陣涼風吹過來，

我肆意地享受著這快感。 

「好舒服呀。」我臉上露出陶醉的笑容。

 於是在我的要求下，我們便在凌霄閣中四處閒逛，

主要目的還是因為想涼冷氣。

 「出返去未呀？呢度好悶呀，都無嘢睇。」走了大約二十多分鐘，啊童忍不住這間垃圾商場開口問。 

「出囉，去邊吖？」 

「後面好似有個位睇到日落，要唔要行過去睇下？」啊童提議。 

「是但囉，反正而家我地都無嘢做。」我聳了聳肩說。



 「咁快啲行啦，再唔行太陽落山就睇唔到㗎喇。」啊童聽到後立即拉著我的手往出口走。

 「慢慢行啦，驚咩啫，而家先五點九，你知唔知夏天係成六點幾先日落㗎，咁急做咩啫。」

 「妖，個邊都有啲嘢行㗎嘛，行快幾步啦懶鬼，成日咁懶，話唔定我遲啲返嚟你會變咗一個肥仔。」她從後輕輕踢了我一腳，強迫我加快自己的腳步。

 「變肥仔有咩唔好啫，你都肥啦。」

我伸手嘗試搣她肚上的肉，怎料她卻極是苗條，



連一點多餘的肥肉也找不到。

 「肥你個死人頭呀肥肥肥！同埋你唔好乘機抽水呀我警告你。」她把我的手拍開。

 我們沿著柯士甸山道行，終於上到山頂。

 一見到涼亭，我原本乏力的雙腿頓時加快速度，

為的就是能趕快在涼亭中坐下好好休息，

不然我應該會暴斃生亡。

 而啊童則與我相反，她是加快腳步朝小食亭走去，

想必又是被甚麼美食吸引住了。 



不久後她便拿著支甜筒，外加一支吹泡泡用的泡泡棒走過來。 

「我呢？」我看著她手上的甜筒問。

 「妖，想食就自己去買啦。」啊童理直氣壯地說。 

「咁呢支又咩嚟呢？咁大個人仲玩吹泡泡。」我指著那支泡泡棒問。 

「咩呀？唔俾呀？邊個話中學生唔玩得㗎？你都on9㗎，不知幾好玩。」她一副懶得理我的樣子，把它放在一旁，然後拆了甜筒的包裝。

 我看著她吃得津津有味的樣子，再加上在這炎炎夏日中甜筒散發出來的冰冷感，

實在是令我食指大動，無奈小食亭離我實在是太遠，



一來一回已經是百多米的距離。 

「嘩個太陽好靚喎，你望下個度，成個天都係金黃色咁。」我指向遠處。

 「又真係幾靚喎，食完就出去影下相啦。」啊童比耀眼的陽光照射得不能張大眼，

但她依然抬頭看著這一片天空。 就趁著她分神時，

我悄悄把頭靠過去，然後一下捉著她的手，

低頭咬了一大口甜筒。 

整個過程只是數秒之間，待啊童反應過來時，

我已成功把雪糕吞進口中。







跪求大家Follow我既IG: MaanYin05