是咁的，我同女神做咗鄰居: 245.

「有無水呀你？我個支飲晒。」啊童問。 

「嗱。」我把所剩不多的水遞給啊童。

 「唔該。」她接過後直接一乾而盡，完全沒有想過我的感受。

 「喂...」我叫也叫不住，她便已經把珍貴的生命之泉全喝下去。

 「做咩呀？」



 「我啲水無晒喇...」

 「唔緊要啦，都就快到咯。」她毫不客氣地把水瓶還給我，完全沒有一絲悔疚。

 那一刻，我竟然真的天真地相信了她就快到的謊言。

 這個故事教訓我們，不可這麼輕易相信他人的話。

 「又話就快到嘅？好口渴呀我。」又過了數十分鐘，我忍不住開口問。 



「係呀就快到㗎喇，你望下個度，凌霄閣呀。」她指向遠處的一棟建築物。

 「我屌...」運用數學堂學過的Estimation，

粗略估算一下我跟它的距離後，腦中一片空白，

只有兩隻字在腦海中浮現。

 後悔。 



「喂，坐下先啦，真係頂唔順，好斜呀仆街。」我叫住啊童。 

「頭先唔知邊個話自己體能唔差㗎？」 

「坐下先啦，休息是為走更長遠的路ok？難得呢個位睇到下面個景。」

 「就當本小姐陪下你喇，坐一陣啦下。」她伸了伸個懶腰，然後竟然從袋中拿出一包紙巾遞給我。

 我呆了一呆，征征地看著那包紙巾。 

「抹下啲汗啦，唔係要我幫你呀嘛咁大個人。」

 「哎呀，行到隻手好攰添，郁唔到呀，你幫下我啦。」我立即反應過來，然後再上演了一段足以讓我獲得奧斯卡的戲碼。

 「嘖，真係麻煩。」話雖如此，但她仍然有把紙巾拿出，然後幫我擦走臉上的汗。 



「嘻，唔該晒，隻手突然又郁得返喇。」 

「擘大口吖，呀~」她突然說。

「呀~」雖然不知道為甚麼要我這樣做，

不過我還是照做了。 

盲目跟從別人指示的後果就是，

比人大力把滿是汗的紙巾塞進口中。 

「哈，行得。」她把垃圾塞進我的口中後便開始繼續行了。 



「你下次可唔可以有禮貌少少放入我隻手到呀，邊有人會將垃圾塞入人地口到㗎？」我立即拿起背囊，起身從後追上啊童。

 「你又話口渴？咪比啲水你飲下囉，唔好浪費呀。」

 「汗水嚟㗎大佬，邊有人會飲汗水呀？」 

「邊有人會唔識自己抹汗㗎？」 

「我都話隻手攰咯。」 

「咁咪抵你死囉，行啦咁多嗲，留返啲力好過啦。」 又行了數十分鐘，多棟建築物開始浮於眼前，越來越近。 

我倆二話不說立即衝上去，然後找地方各買了一支水喝。 

「你話係咪on9，行山無水。」我一邊喝著水一邊抱怨。 



「唔係無，只係飲晒。」啊童更正我。

 「上嚟之前又唔買多支，搞到而家就快死先有水，唉。」 




跪求大家Follow我既IG: MaanYin05