是咁的，我同女神做咗鄰居: 228.

「冤枉呀包大人！我女朋友又索又靚駛乜𥄫其他女啫。但係你望下佢先啦...痴線㗎喎佢。」我指著那位女生說。 

「有咩痴線呀？」充滿好奇心的啊童問。

 「你望下佢裝束...乾濕褸喎佢著緊...而家幾熱呀大佬，邊有人會走去著乾濕褸㗎...」

 「又好似係喎，諗起都覺得熱。」

 「小姐，攞得喇。」我們的對話就這樣比職員打斷了。 





於是啊童便去把那盒炸雪糕拿了過來。 

「整啖嚟吖。」 

「唔得！一陣你又食晒我就無得食，我係唔會再信你㗎喇！」啊童保護著那盒炸雪糕，不讓我有機會碰到。

 「真係一啖...多過一啖我買多盒比你食...買完之後再投河自盡。」 

「一啖呀，我數住㗎，咬咗落去唔準擘返大個口㗎。」 





「得啦得啦，攞嚟啦。」我從她手上拿走叉子及炸雪糕。

 我用叉子「吉」起其中一球，然後直接把整球雪糕放入口中。

 「喂呀！」又是一記重擊。

 滿口都是雪糕的我無力辯駁，只有躲避她的攻擊。 

「你又呃我！你食晒啲雪糕喇！」每說完一句我的手臂就被打了一下。 





「你話一啖吖嘛，咁咪一啖囉，一啖食晒都係一啖嚟㗎。」好不容易吞了整球雪糕，我終於有機會說話。

 「食屎啦你！我無諗過你會食咁大啖㗎嘛！」

 「嗱，你仲有得食。」我把餘下的一球「吉」起，放在啊童嘴巴面前。

 「唔食呀我！嬲呀！」她抱著手別過頭去。

 「好好味㗎喎~你唔食就我食埋佢㗎啦。」 

「哼，我自己食得喇。」她從我手中把它搶過來。

 不久後，我們去到了Check in，明顯地，啊童還未消氣，

因為她全程都沒有再跟我說話，至少在Check in時她連走也不走近我。 





「喂，唔好嬲啦，都係食咗少少啫，又係你話一啖嘅。」

 「點樣唔嬲呀！下！你係食咗一半呀...係一半呀仆街！」

 「得喇得喇，一陣請返你食喇。」 

「既然你咁有誠意又能及時改過，我就勉為其難咁原諒你啦。」

 世界上，沒有美食解決不了的事情，如果有，額外加點錢就可以了----言語錄。 

「咦喂，點解得一張床嘅。」一打開B&B的房門，啊童第一句便問。

 「你有要求過要兩張床咩？」 





「你唔好同我講今晚我要同你咁樣咁親密咁同床瞓呀嗱...你咁變態...仲要我條睡褲係短褲嚟...」

 「痴線，你可唔可以唔好開口埋口都話我變態啫，我又無對你做過啲咩。同埋呢張雙人床嚟㗎大佬，張床咁大，你驚嘅瞓開啲咪得囉，我都未見過有女仔會驚同男朋友一齊瞓㗎。」 

「點點點...點同啫！人地男朋友會唔會突登流口水落個女朋友大髀都吖？唔會吖嘛。」 

「你...又好似啱喎...」一時語塞的我想不到如何辯駁。






跪求大家Follow我既IG: MaanYin05