是咁的，我同女神做咗鄰居: 227.

「不如我地真係搵啲嘢做，臨走前係咪應該留返啲回憶先，屬於我地兩個人嘅回憶。」我說。

 「咁你想做咩吖？」 

「嗱咁香港就無咩做㗎啫，咁啱呢就有一個地方好適合我地再去多次嘅。」

 「長州呀？」她一猜便猜到中我心中所想。

 我點了點頭「好唔好先？」 





「上次咪去過囉，今次又去？唔會悶咩？」 

「你上次係咪行過晒啲橫街小巷吖？上次我地剩係沿著海旁踩咗陣單車去咗張保仔洞咋嘛，我地今次嚟去啲無去過嘅地方，包開心，最重要係咩呀，得我地兩個吖嘛今次。」 

「係咪㗎...」 

「係㗎喇係㗎喇，就算無嘢做係酒店房到Hea下都好吖。」

 「咁同而家有咩分別啫...我地而家咪又係日日係度Hea。」 





「有㗎啦有㗎啦，長州好似有好多好味嘅甜品㗎，上次你都無乜食過。」

 「咁...好啦，一陣返去就Book啦下。」啊童終於成功比我說服了。

 「好吖，返到去就book。」 

回到去後，我便跟啊童雙雙坐在電腦面前把各酒店及B&B比較一番，

最終還是決定再住一次上次住過的那間。 





時間一跳就到了出發的那天，這次啊童吸收了上回的教訓，

沒有再拖喼，只帶備了一個背囊，內有一套衫褲加梳洗用品。

 「今日咁精神嘅。」我問啊童。

 「哼，駛乜講，我不嬲都咁精神，都話上次係顧住煲劇所以先遲咗瞓咯，行啦，咁多嘢講。」

 就如上次一樣，我們坐船進去，不出一小時，就已經順利抵達了長洲。

 「好熱呀...好攰呀啲嘢好重呀。」啊童對我說。

 「咁你要加油喇，最多陪你行慢啲。」我當然能聽得出啊童言外之意，但為了減輕自己的負擔，所以我裝傻的說。 

「幫我攞呀。」她大力打了我一下。 





「唉幫喇幫喇。」我接過她的背囊。

 無物一身輕的她彈彈跳跳的向前走，

可憐我要拖著沉重的腳步跟在她身後。

 「我要食！」她指著一家賣炸雪糕的鋪頭說。 

「想食咪自己俾錢囉。」我不為所動。 

「個銀包係個背囊好入好入嘅而家攞唔到呀，你幫我俾住先啦，最多一陣我請返你食嘢嘞。」

 「唉...」我拿出放在褲袋中的銀包並遞給她。 





「多謝！」她興奮地接過錢包並走過去付錢。 

而無聊又沒有手拿電話的我，唯有四處張望打發一下時間。 

我的眼球秒速比一位應該大我少許的女子吸引著。 

CLS而家夏天熱L到仆街，係啊童著緊短衫熱褲嘅時候，

條女走去著住件乾濕褸，你話痴線唔痴線？

 仲要包到實一實喎...你話為著衫好睇為多Layer都好吖，

佢就係一件乾濕褸由頭包到落腳。 

望落佢個樣又唔似傻吖，都幾靚女，熱到塊面紅晒，

真係陰公。 

睇清楚啲條頸仲有啲紅印...可能係有少少自虐傾向？

 「望望望！望咩呀望！趁我唔係度你走去𥄫其他女仔！？」我的耳朵突然比人大力向後扭。






跪求大家Follow我既IG: MaanYin05