是咁的，我同女神做咗鄰居: 209.

其實咁樣溫溫下書玩下都幾開心吖，有啲嘢本身好悶，

即使有個你鍾意嘅人係身邊都好， 都改變唔到呢樣嘢好悶呢個事實，

咁我地可以做嘅，就係嘗試令到佢變得唔好咁悶。

 例如令自己不停比人鬧同打就係其中一個方法，歡迎大家試一下。 

之後，就係考試前最後一日返學嘅日子喇，

啫係星期五，因為下個星期考試既關係，所以今日係無練習嘅。 

「各位同學，請大家係今日清空晒個Locker去。」Mr Wong在早會時說。 

「金翅仆街鳥...」我放學時看著眼前塞滿了報紙和書本，外加聖經與字典各一的儲物櫃。 

「哈on9仔，而家先執，好似我咁早幾日就逐啲逐啲攞返屋企吖嘛。」Suki在把儲物櫃內僅餘的兩本書拿出來時，亦不忘嘲諷我一下。

 「我屌...」我粗略估算著面前這堆書本的重量。





 係呢個時候，當然係要搵人幫下手啦。 

「啊童~你清晒個locker未呀？」 

「你想點呀？」啊童充滿戒心地點了點頭後說。

 「無，想借你個書包嚟用下啫，我個書包唔係太夠位擺。」我苦笑著向她展示我儲物櫃中的物品。 

「嘖，你話我點放心俾你之後自己一個吖，老師一早就提咗我地要清Locker，你就偏偏等到最尾一日先嚟清。」 





「一時唔記得吖嘛，借你個書包嚟放幾本書吖，反正你都無嘢要攞返去㗎啦。」我搖著她的手說。

 「三本，每本唔準超過一百五十頁，自己擺入嚟。」啊童把書包拋在地上。 

「多謝童童！！！」我一把抱著她。 

「妖，嗱嗱臨執埋啲嘢返去溫書呀。」她推開我。

 「唉，真係慘，我地返屋企就打機喇，你慢慢溫書。」魚蛋搭著我膊頭說。 

「頂你個肺！死L開啦，我係唔會同你呢啲壞學生一齊係度打機荒廢學業㗎。」輪到我推開魚蛋。

 「如果唔係我迫你溫你覺得你會唔會主動溫吖嗱？快啲執好啲嘢啦！」啊童插嘴。

 「係係係知道。」我隨便把三本書放進啊童的書包裏，

然後把剩下的書本強行塞進自己的書包，比較厚的聖經及字典就用手拿。 

好不容易終於將所有書本全塞進書包裏，然後我們便踏上了歸家之路。 

重L到...仆街！

 去到最後三日，

(我星期一先考，所以仲有五六日。)

唔係講笑我竟然會有啲緊張同擔心， 

大概係唔想白費晒之前成個五月嘅心機。 





尤其是因為你想揀嘅科嘅成績係會計雙倍，所以更加要溫好我想讀嘅科。

 對於Bio同Chem我就一早放棄咗，Physics同數學就做多啲，

剩低嘅科就不斷溫溫溫，仲有啊童私人比我用嘅靚靚Notes。





跪求大家Follow我既IG: MaanYin05