是咁的，我同女神做咗鄰居: 208.

「痴線，你點可以咁諗我㗎呢，我絕對唔係特登嘅，如果我瞓覺流口水係特登嘅話，咁即係話你平時瞓我膊頭嘅時候，都係特登流口水㗎啦。」

 「點...點同喎，我係真係瞓著咗，唔小心擘大個口所以先至流咗小小...口水落你件衫到咋...嘛。」啊童扁著嘴說。 

「我都係呀...唔小心擘大咗個口，所以先至流咗小~小口水...落你件衫到咋。」我模仿著她的語氣說。

 「你食屎啦！你又核突又變態呀！好好地瞓唔得嘅！唔理你呀，你要瞓自己上床瞓飽佢啦。」啊童別過頭去。 

「唔公平喎，你流就得，我流就唔得。」可惜這次她沒有回應我。 





「唉，算我上床瞓一陣覺。」我爬上床上。

 如果大家仲記得嘅話，我張床係喺書枱正上方，所以我又諗到第二個玩啊童嘅方法。

 我先係扮作瞓覺，過咗大約三分鐘等啊童放低咗戒心之後先玩佢。

 係度講下我間房先，如果我瞓係度嘅話，我既右手邊就會係窗，亦即係書枱以及啊童面向緊嘅方向，

而左手邊就係大門，亦係啊童背住嘅方向。





 而床框同牆係啱啱好夠位俾我伸個頭落去。 

你地應該估到我想做咩啦，無錯就係倒轉伸個頭落去嚇啊童。 

我係小學雞㗎啦，你吹咩？

 我慢慢，一格一格的把頭往下伸，

先是露出了頭髮...接著是眼睛...鼻子...嘴巴，直到整張臉完全露出。 





只見啊童正在低頭認真溫書，完全沒有察覺到在她正前方的我。 

「啊~童。」我壓低喉頭說，然後臉上掛上一抹詭異的笑容，等待著啊童發現我。

 啊童聞聲便抬高頭，直至看見了頭好像懸浮著的我。 

「呀！！！」啊童尖叫。 

「嘿嘿嘿。」獲得了如期的效果後，我便把頭縮回上去，在床上重新攤平，放聲大笑著。

 「我想溫書呀仆街！」啊童從椅上起身，然後爬上我的床上找我報仇。

 「溫囉，走上嚟做乜嘢呀？」躲在角落的我問。

 「嚇我嚇我...成熟啲啦！」她向我怒吼。





 「嘻，悶吖嘛。」 

「你就悶，仲有好多嘢未溫㗎我。」啊童打了我一下。

 「非也，我唔係話溫書悶，我係話自己瞓覺好悶，不如我地一齊瞓陣？」 

「你就想，走先，你慢慢瞓飽佢。」啊童轉身想離去。

 「一陣啦~十分鐘！」我捉著她的手，不讓她離去。

 嘿嘿，周樂童...你上咗我張床邊可以咁易比你走。 

「唔要呀，一陣你又抽我水又借啲意搞我！」 





「喂呀，五分鐘...最多我保證唔搞你。」 

「好呀，我地一齊瞓十秒吖。」啊童把我強行按下，然後自己也躺下。 

「十...九...八...七...六...五...四...三...二...一，夠鐘，落去溫書。」啊童起身，然後從我床上下去。

 「喂喂喂...會唔會快咗啲呀？」嗚呀，我乜都未做喎。

 「唔會，而家請你即刻落嚟溫書，玩咗咁耐休息夠有返精神啦。」 

「吓...」 

「你有十秒時間，如果唔係你嚟緊呢幾日將會連學校既小息同Lunch time時間都失去埋，同我一齊溫書。」 

「你痴線㗎？你平時係學校都唔會溫書嘅。」 





「無錯，但係我可以為咗你而改變。而家開始計，十...」 

「得！我即刻落嚟。」我連忙從床上跳下來。



跪求大家Follow我既IG: MaanYin05