是咁的，我同女神做咗鄰居: 204.

「勁喎。」我由心而發。

 「哼，實乜講，我喎，周樂童喎。」她自豪的指著自己說。

 「係囉，你喎，我女朋友喎。」我捏了一捏她的臉頰。

 「死開啦！」我又一次比啊童推開。

 「既然你連波都入埋喇，咁要唔要打返場比賽？總之得兩條規矩，第一條係唔好走步，第二條係入波就有分，其他嗰啲複雜既規矩就由佢。」我說。





 「好呀，驚你呀？輸咗點先？」

 「我輸咗就心太軟，你輸咗冇懲罰，打三分，ok？」我走過去把球拾起再交給啊童，

「你開先。」 啊童接過球後，二話不說便再次起手射球，無奈幸運之神今次並不幫她，球揼釘彈出。

 「哎呀。」啊童不忿地說。

 「駛唔駛咁急呀，到我喇喎。」我拿著球來到發球線。 





待啊童準備好後，我便開始進攻。

 我慢慢一步一步向前推進，然後突然變速，

輕鬆越過了啊童的防線，上籃取得一分。

 「呵，一比零呀。」我刻意在說「零」字是加重語氣，再比出「零」的手勢。

 「唔得，再嚟一次，我唔信你今次會過到我。」 我聳了聳肩，再一次拿著球走到發球線前。





 這次我轉用背打方式進攻，比我輕又不夠我大力的啊童自然比我迫得節節後退。

 差不多到了禁區時，我便轉身跳起射球。 

「唰」球再次進了。 

「你頭先話...話唔信咩話？」

 「唔公平呀！我都唔夠你大力，你咁樣好奸茅呀。」啊童打了我背脊一下。 

「咁你想點吖？」 

「我要搵幫手！」啊童說。 

「搵邊個？」





 「Suki啦緊係。」啊童說罷便跑回有蓋操場，過了一會後便拉著Suki出來。 

「咁L熱，又會出汗，唔好啦啊童！」Suki不情不願地走出來。 

「唔得！我一定要贏佢！總之你扔到個波入去就係。」

 「唉好啦好啦，見係你咋！」Suki說。 

「當讓你地，比你地開波先。」我把波拋給啊童。

 「接實呀Suki。」啊童把波傳給Suki。

 我立即跑過去防守Suki，怎料卻比人緊緊抱著，動彈不得。 





「嘻，你又冇話唔攬得人。」在我身後的啊童死死地攬著我，而我則困難地一步一步往前走。 

「快啲射波呀Suki！」 只見Suki拿著球跑到籃底下，然後向上一拋，球又進了。 

「Yeah！」啊童立即放開我，跑到Suki那裏跟她拍手。 

我沒好氣地看著她們慶祝，我開始後悔剛才只定了兩條規矩... 

「快啲開波啦。」我說。 

「做咩呀？等唔切輸呀？」啊童施施然地走到發球線。 

她再次把球傳給Suki，

而我...嘿嘿，決定先發制人，

立即以柔道把啊童摔在地上，

然後再跑到Suki前把球強行搶過來，再自己鏟籃取得最後一分。



跪求大家Follow我既IG: MaanYin05