是咁的，我同女神做咗鄰居: 203.

熱到衫領滲透汗印
熱到板塊爆發地震 
熱到海市蜃樓融雪
很吸引 熱到躲進冷氣槽裡
藏身 不堪燒滾 
焗到呼氣也覺難過
焗到鬱結也會傳播 
焗到街裡人人行過 也推我 
就會想去約你與我 跳出悶熱唱飲歌 
今晚節目很多 能共你痛快渡過 





又開始唱歌啦我，總之呢個世界有咩事都好，唱首歌啊童就一定唔會嬲我。 

雖然佢好似唔係好想聽咁，不過是但，總之我要分散佢注意力！ 

「食完啦我，落去未呀？」啊童放下碟叉。 

「吓...我仲唱緊喎。」我愕然地說。 

「你落去先繼續唱飽佢，而家陪咗我落去先，我要繼續燒嘢食呀。」啊童伸出手來要我扶著她。





 「你...唔想聽我唱歌咩？」我猶豫地說。 

「Sor9ry，食嘢吸引啲。」 我呆在原地...我從沒想過，原來自己歌聲在她心中的地位...已經及不上美食了... 

「哦...好吖，我執返啲嘢先。」我把結他放回袋中，然後便與她一起下去了。

 嗚...點解會咁㗎...正常應該係佢好Enjoy咁係一個好浪漫既氣氛底下聽完我唱歌，

然後好開心咁走過嚟錫我一啖，讚下我先係㗎嘛。 





不過算，諗諗下佢食唔出啲魚蛋燶咗都已經達到我最初既目的。

 回到去後我就繼續打籃球，

不同的是這次是與其他人一起打全場鬥波，

比剛才毒自射球又是另一種感覺。 

過了大約半小時，我們回到有蓋操場休息。

 我大口大口地把水喝下去，坐在啊童旁邊喘氣。

 「喂，不如你教我打籃球吖。」啊童原本打算拍一拍我膊頭，但一看到我那充滿汗水的衣服時，她就把動作給止住了。





 「咦，你有興趣呀？好呀好呀，我終於有樣嘢可以教你啦。」 

「呼！去打波！」啊童站起來伸了個懶腰。 

「我地去最近有蓋操場嗰個場吖，呢個場夠光，你應該睇到嘢。」我拾起在地上的籃球。 

「好呀。」啊童一奔一跳地走過去。 

「好！打籃球好簡單㗎啫，第一唔好走步，啫係唔好攞住粒波行多過兩步，第二就係將個籃球用你既方法扔入個籃到，係咁多。」我把籃球傳給啊童。 

「嘩！」啊童一個閃身，完美的避開了籃球。 

「做咩9呀你？玩閃避球呀？你要接住粒波㗎嘛。」我跑過去把球拾回。 

「嗱，今次你接實喇。」我以彈地的方式把球再一次傳給啊童。 





這次啊童終於學乖，把球穩穩地接住了。

 「跟住你試下將個波扔返俾我吖。」我張開雙手做好接球的準備。 

啊童聽罷把球拋回給我。 

「好好呀！跟住就試下射波，你睇我示範一次。」我把球射進籃框中。

 「得啦，俾粒波我。」啊童自信的說。

 「唰」穿針。

 我屌唔係嘛，啊童真係咁勁咩！？

第一次玩就穿針？ 

雖則話佢射波個姿勢同大部份女仔一樣都係推粒波出去，但係又真係俾佢入到喎。 

「Yeah！入咗！」啊童手舞足蹈的說。

     


跪求大家Follow我既IG: MaanYin05