是咁的，我同女神做咗鄰居: 180.

「唉好啦好啦，又係你話咩故仔都得㗎嘛，咁我咪講範文囉。而家轉講第二啲故仔啦。」我說。 

「唔準講悶嘅故仔㗎，如果你再講悶嘅故仔我好返一定打死你。」 

「得啦得啦，包唔悶啦。」我說。 

「吖，我諗到可以講咩故仔啦。話說喺好耐好耐之前，有個好L靚仔又有型嘅男仔喺佢間房度同佢個Frd打個機喎。突然之間，佢屋企嘅門鐘響起咗，佢於是就一邊走出去一邊講粗口啦，因為阻住佢打機吖嘛，但係當佢一打開門，佢既怒火比嚇到全消，因為佢見到一個兇神惡殺既女仔企咗係出面，佢有一刻諗過係咪黑社會嚟尋仇，好彩佢之後先發現個女仔原來係無惡意，仲要明明已經中三都仲成個小朋友細路女咁樣，成日都要人氹，又為食，日日都話要食甜品，一日到黑就係食同瞓，成隻豬...」

 「我邊有呀！」啊童嘟嚷著。





 「都冇話係你，我有講過個個女仔係你咩？無吖嘛，好有趣㗎呢個故仔，乖乖地聽埋落去啦。」 想不到理由去反駁的啊童只好乖乖合上嘴巴，繼續聽我加油添醋地說我和她之間的故事。 

說了差不多一個多小時後，我終於把故事說完。 

「嗱，講完個故仔啦我，快啲瞓覺啦你。」我說。

 「唔濟呀，你根本就借啲意，兜個圈嚟話我嘅。」 

「痴線，我點會話你啫，你係我最愛嘅女朋友嚟㗎嘛，仲要係女神，點會有缺點喎。」





 「食屎啦你，咁都唔係話我，一係...你唱首歌比我聽我就比你走。」啊童說。 

「小姐，而家我好樂意陪你呀，問題係你要休息吖嘛，咩比我走啫，係你要瞓覺呀。」我說。

 「是但啦，總之你正正經經唱首歌比我聽啦。」啊童說。

 「嗱我唱㗎啦，你聽完真係要瞓，知唔知？」我問。 

「得啦得啦，快啲唱啦。」





 「咳。」我清一清喉嚨。

 「1914年，世界天變，第一次世界大戰...」 

「喂呀，又乜野嚟㗎，好難聽呀。」我還未唱完第三句便比啊童打斷了。 

「搞錯呀，又冇聽過呀你？歷史A歌喎，之前歷史考試有六成都係靠佢咋。」我說。

 「唔要聽呢啲呀我...有冇啲真係好好好正常，認認真真既歌呀？」 

「唉又要轉歌..好啦好啦，見係你。月光光~照地堂...」

這次啊童終於沒有再打斷我了，雖然她的表情告訴我她並不太想聽這首歌，

但應該是不願再跟我爭辯，所以才沒再出聲。





 我於是便順利唱完整首歌。

 「嗱真係要瞓啦，我聽日再搵你啦。」說罷我便為她整理好被子。

 「唔...Bye bye啦。」啊童扁著嘴說。

 「唉，攬住佢瞓啦你，當係攬住我啦下，有咩野就打俾我啦，我隨時都可以過嚟。」我把她放在床尾，之前在年宵市場買的豬公仔遞給她讓她抱著。 

啊童接過那隻公仔，果真照我說話抱著它。




跪求大家Follow我既IG: MaanYin05