是咁的，我同女神做咗鄰居: 166.

「你個死仔，成功咗都唔話我知，收收埋埋咁。宜家叻啦，大搖大擺咁拖住條女係我地面前出現。」毛毛憤怒地說。 

「點敢唔同你講啫，傻啦，未講啫。」我解釋。 

「食屎啦你！咁都比你溝到條女返嚟！」 

「呃...唔好講呢啲衰野啦，比賽要緊比賽要緊。」 

進到去坐下後，剛才目睹我牽著啊童手的教練走過來。





 「嗱，教練就唔係唔俾你拍拖，但係前提係唔可以影響比賽知唔知。」教練說。 

「緊係唔會啦，得得得，我唔會俾呢啲兒女私情影響到既。」我一本正經地說。

 「唔，我都信你既，同埋周樂童佢話晒都有份訓練你，所以...下次唔好咁張揚，萬一俾學校老師見到就唔好啦。」他在我耳邊說。

 「係。」 「好，大家過一過嚟先。」教練之後便叫大家過來，恰好啊童也回來了。 

「我地場比賽係九點開始，一陣我地出場次序同上次一樣，對手實力比我地之前對個隊勁好多，大家要小心。你地可以去熱下身，或者休息下，總之搵啲野令自己放鬆下。加油！」教練說。 





解散後我回到自己座位，緊張與擔憂混雜在一起，

害怕的感覺有增無減， 

我害怕自己會輸，

害怕自己會成為害群之馬，

害怕自己失準。 





焦慮的我，坐立不安地看著其他學校之間的比賽。 

但看到他們那靈活的步法，那又快又狠的殺球，

我再次明白到我跟其他勁旅的差別了。

 原本只打算放鬆一下心情，怎料卻令我徒添壓力。

 時間一點一點地流去，我的心跳得越來越快。 

眼睛雖看著其他比賽，腦中卻空白一片，

完全思考不了。 

突然，一股熟悉的觸感從我手上傳來，

那冰涼的溫度為我焦急得發滾的身體降溫。

 我回過神來，看向啊童，

她那一抹能融化我心的微笑仿如定海神針似的， 

把我心中的擔憂一掃而空。 

「與其擔心啲未發生既野，不如專注於呢一刻。係你教我㗎喎，自己做唔到啊？放鬆下啦。」一把甜美的聲音說。 

「唓，不嬲啲野都係講就容易㗎啦，你估咁易就放鬆到咩，好緊張㗎大佬。」我說。 

「一係我地出去猜下波？」 





「都好既，唉屌...好緊張啊！！！」我伸一伸懶腰。 

「陪你出去熱下身打下波就冇咁緊張㗎啦，嚟啦。」她把我拉起身。

 「教練我地出去猜下波，幫佢熱下身。」啊童循例跟教練說一聲。 

「哦，你地係打波先好啊，唔好走咗去拍拖啊。」教練把羽毛球拋給啊童。 

「得啦，打波咪我地既拍拖活動囉陰公，一齊咗咁耐，落街打波既次數仲多過行街食飯睇戲，你話慘唔慘吖。」我經過教練身邊時說。 

「難得有女仔肯陪你咁樣練你就好好珍惜啦，仲多多事實咁。同埋啊，你呢個幾月嚟既訓練係唔會白費你心機同時間，你既進步就係最好既證明，所以放鬆啲啦，俾啲信心自己，知唔知？」

 「係。」








跪求大家Follow我既IG: MaanYin05