是咁的，我同女神做咗鄰居: 149.

那天放學後，作為我終於成功追到啊童的慶祝，

(其實主要係啊童想食) 所以在她的要求下，我們便去了甜品鋪。 

「文姨！我得咗啦！」我高舉正牽著啊童的右手說。 

「嘩...嘻嘻，恭喜恭喜，文姨即刻去整個心太軟比你地食下~」

每次來到這間甜品鋪， 



不知為何總是覺得很親切，

文姨在我追啊童的漫漫長路上， 

幫了我多少，應該也不用我多說。

 不久後，我們的心太軟便到了，

 「嚟，心太軟！」文姨把一個心太軟放下。 



「唔該文姨...咦，得一個既？」我問。 

「唔好意思啊靚仔靚女，我地心太軟賣剩一個咋。」

文姨裝作可惜地說出這句話，

就跟我們第一次來到這間甜品鋪時，

她所說的話一樣。 她放下兩隻叉後便離去。



 我跟啊童相視一笑，均想起了當天那情景，

 猶記得第一次跟啊童出街，一切事都仿如昨天發生似的。

 我坐過去啊童旁邊，就如當天我戰戰兢兢地坐過去一樣，

只是在心態有所轉換， 如今的我，

已經不再是那個害羞的人，在追啊童的過程中，

我已經成為了一個面皮極厚， 

毫無羞恥之...

仆街，



咁我同Donald有咩分別... 

分別就係，我溝到啊童，

佢溝唔到。 

算，講遠咗。

 「坐埋啲啦，都做咗男女朋友啦，仲分咁遠。」文姨笑著說。

 「係係係，宜家坐埋啲。」於是我又再坐近一點，

輕輕一索...啊童身上的花香味，



依舊是那麼的香，簡直是百聞不厭。 

「喂...喂！變態佬，你聞夠未呀，食啦。」 

「我屌，咁你都知我聞緊？」我回過神來。

 「哼，你趷起條尾我就知你想做咩啦，你難逃本小姐既法~眼㗎啦，所以你唔好諗住呃我啊~」

「點會呃你啫我，唔會唔會，我好誠實㗎。」我連忙澄清說。 

「駛乜咁驚啫，食啦。」啊童說。

 不久後，碟上就只剩最後一啖，

我們又陷入了同樣的困境，



究竟要由誰吃掉最後一口心太軟。

 「瞇埋眼，我餵你食啦。」我說。

 「哼，我先唔會再信你，上次先被你呃完一次，我係唔會再被你呃到㗎。」 

「嚟啦，男朋友都唔信？況且你估我唔怕被你打死咩，信我啦。」我信誓旦旦地說。

 她聽到後，想了一想後便乖乖地合上眼，

 我從銀包中拿出錢並放好，

然後就背上書包，做好逃走的準備，



 最後才拿起叉，

偷偷地把碟上的心太軟放進口中，

還特意把叉上殘留的朱古力醬吃乾淨。

 嘻嘻嘻，周樂童你等食我口水啦。 

以上的事情是沒有發生到的，你估我真係唔怕死咩。

 我乖乖地把最後一口心太軟放進她的口裏，

啊童津津有味地咀嚼。 

「嗱，都話唔呃你㗎啦。」

「哼，算你啦，男.朋.友。」啊童抱著雙手說。 

「咦~咦，話時話，我屋企好似冇人喎，有冇興趣上嚟啊？女. 朋. 友。」我露出一抹淫笑。














跪求大家Follow我既IG: MaanYin05