是咁的，我同女神做咗鄰居: 148.

由於我們班房在五樓，所以我們也行了大約一分鐘才上到去。  

在上到去後，我們才終於分開了緊拖著的手，

若無其事地回到自己的坐位上。 

不久後，我們的班主任Mr Wong便進來了，

伴隨而來的，卻是一個壞消息。





 「好啦各位同學，大家都坐咗係呢個位差唔多一個學期啦，為咗令大家可以識到多啲朋友，所以我地星期四我地就會調位㗎啦，宜家同定大家講，幫大家做定心理準備，好好珍惜同你宜家既前後左右一齊坐既時光啦。」

 晴.天.霹.靂. 

唔L係嘛...我咁L辛苦溝到啊童，

搞咗咁耐...都係想上堂既時候有得拖下手仔，

有得抽下水啫， 宜家先嚟調位！？

咁我拖條毛啊？計得無得傾喎。

 我環視四周，先不論我不能跟啊童一起坐，

我更擔心的是，會是誰坐在我隔離， 

要知道，在這班內，

想找一個正常人可是一件十分困難的事，

全班最正常能溝通到的人， 就是我身邊那幾個了。 

我最害怕的是，要與某些八婆又或MK仔為鄰。

 「唔係掛...我唔想啲奇怪既人坐喎，千祈唔好要我同啲污污濁濁既毒L坐。」Suki說。

 看來也不只我一個對調位一事有意見。 

「屌，咁我地之後咪冇得拖手仔上堂囉？」我對啊童說。

 「痴線邊個話要同你上堂拖手啊。」

 「想拖都冇辦法啦宜家，都就快調位咯。」我說。

 「唉見你一廂情願諗住溝到我之後可以上堂拖手，點知宜家話要調位好似好慘咁，最多呢幾日都比你拖啦。」 





「嗱你講㗎！」 

「係啦係啦，應承咗你我就唔會反口。唉，唔知我會比人調去邊到呢，希望唔好同啲奇奇怪怪既人坐啦。」 

「我都驚要同啲奇怪既人坐。」我只能寄望Mr Wong會安排我坐在兄弟隔離吧。 

「算啦，擔心嚟都冇用。」啊童安慰我。 

「都係既，上堂啦。」我說。

 我特別珍惜這天仍能跟啊童為鄰上課的時光，

可能是第一次以男朋友的身分坐她旁邊，





 又可能是因為調位在即，

害怕之後沒有機會。

 老實說，如果我是一個正常學生的話，

上堂拖手基本上是不可能的，

 因為右手要寫筆記，根本沒有空， 

奈何我並非一個乖學生，

專心上課？

未L聽過， 我的右手於是便長期勾著啊童的手指尾，





 冇辦法啦唔可以太明顯，

所以唯有偷偷地咁勾住佢隻手指尾。 

「萬浩然！」對，又是八婆禮。

 原以為被她發現了的我，嚇了一跳，立即鬆開了手。 

「做咩呀你？做咗虧心事啊？咁驚？你！答問題！」她指著我說。 

「係。」我重整好思緒。 

「講，戰敗既德國係比邊幾個國家分咗，同埋分咗做幾多份？」 





「英，法，美同蘇聯，分咗做四份。」

如果大家還記得，我可是十分熱愛歷史的，

所以要在沒有專心上課的情況下回答這條問題對我而言並不困難。 

「坐低，專心啲上堂！」見我成功回答到的八婆禮不忿地說。




跪求大家Follow我既IG: MaanYin05