是咁的，我同女神做咗鄰居: 125.

「不如咁樣，為咗易啲判斷邊個唱歌好聽啲，我地唱同一首歌。好冇？」我問啊童。 

「嚟吖，唱同一首咪唱同一首，反正無論點我都會贏你㗎啦。你決定唱邊首歌啦。」 

「我決定？我驚一陣你又話唔公平喎，你地揀啦。」我對其他人說。 

「咁我點歌啦！宜家我地咪放緊聖誕節既，但係呢度就有五個單身狗喎，咁我地不如就唱...」

 「Lonely Christmas啊？」我打斷啊正問。





 「錯！係零度聖誕！」 

「啊童你識唔識唱啊？」 

「得啦識唱啊，起歌！」

 於是我便點了「零度聖誕」這首歌，與啊童開始唱了起來。

 不得不說，啊童的歌聲的確很動聽，

可見她所言非虛， 

之不過離有唱片公司主動簽她這個目標，

還有一段距離。 我只好盼明年擁抱~ 我唱完最後一句。

 「嗚，呢首歌，簡直係唱出咗我地呢啲毒L既心情啊。」魚蛋聽完整首歌後，以哭腔說。

 「痴線，有冇咁誇張啊...」我問。





 「你呢啲有女既人點會明白我地呢啲毒L吖。」啊正回應。

 「你溝返個咪有囉，你睇下，幾易溝，吹兩句水就搞掂啦。」我指著啊童說。 

「你講乜野啊！我要再重申多一次，你.係.未！係未啊！溝到我㗎！」啊童說。

 「仲爭少少吖嘛，得啦，啫係就快得囉。」

 「屌，我警告你地兩個唔好再係我地面前耍花槍啊下，咁無人性既野都做得出。」啊正說。

 「得啦，嚟，講下評語，邊個唱得好聽啲。」我說。

 「啊童！一定係啊童唱得好聽啲。」Suki第一個發表自己的意見。

 「喂！好唔公平啊，你完全唔係根據我地頭先既歌聲嚟判斷邊個唱得好聽啲既，你根本就單純係因為啊童係你既閨蜜而揀啊童既。」 





「係呀，咁點吖，你吹咩~總之，我投啊童一票！」Suki說。 

「你幾個，唔該，係要公平公正...」 

「我投周樂童！」啊正率先舉手支持啊童。 

「我都投佢！」魚蛋是第二位。 

「多謝。」啊童聽到後說。

 「喂！你地唔可以咁樣㗎喎！」 

「收皮啦你！你頭先又冇講過有咩準則，我話因為佢靚所以先投佢你都吹我唔漲㗎啦。我都投周樂童。」肥強說。 





「嗱Marcus，要客觀咁去做決定啊。」我游說著Marcus投自己。 

「唉，見你咁慘，我投你啦。」Marcus說。

 「多謝！」

 「你得個一票有L用咩，啊童有四票，恭喜啊童！！！」Suki說。 

「都話我唱歌好聽過你㗎啦，一早同咗你講，你又唔信，宜家咪自己冇面囉。」啊童以贏家的姿態對我說。

 「都話佢地唔係因為你唱歌好唔好聽而投你咯，唔公平啊！！！」我不服這個判決。 

「好民主㗎我地，咩唔公平啊，一人一票。」啊童反駁。 

「你班友...算！我自己點返首歌唱。」 我們就這樣一路唱到第二朝才回家。








跪求大家Follow我既IG: MaanYin05