是咁的，我同女神做咗鄰居: 124.

「喂！呢邊啊。」魚蛋向我們招手。 

「齊人啦嘛，上去啦我地。」他繼續說。 

「除咗唔嚟既Suki之外，其他人都到齊啦，行啦。」我說。 

「等等！」遠處傳來Suki的聲音。 

「咦，你又話唔嚟既？」啊童問。 





 「諗諗下，都係嚟啦，哈哈。」Suki竟然張開雙手抱著啊童。 

「做咩啊你，係咪有咩唔開心啊？平時你都唔會攬住我㗎？」啊童疑惑地問。 

「耐冇見你吖嘛。」她依然緊緊地抱著啊童不放。 

「有幾耐啊，你地幾日前先見完咋喎。同埋，點解你好似唔同咗咁既？」我問。

 「係喎，你個髮型好似唔同咗咁既。」啊童問。 





「邊有啊，你地睇錯啫，入去唱K Luuuu！！！」她拖著啊童，興奮地走進去。 

「咁，我地都入去啦。」魚蛋說。

 服務員帶我們在那迷宮似的走廊中，左拐右拐， 終於到達屬於我們的房間。 

「我要點歌！」Suki一進到去房間便興奮地說。

 「你係咪有咩病啊？平時都唔見你咁興奮㗎喎。」啊童問。 





「冇野啊，真係冇野喎...難得一班人出嚟玩緊係要開開心心咁先得㗎嘛。」

 「唉，讓你唱先啦。」我說。

 「我要唱...不能說的...秘密！搵到啦！」 

「唉...快啲唱啦，唱完到我啊。」我說。

 冷咖啡離開了杯墊 

前奏完結後，Suki便開始唱這首歌。

 「嘩你唱歌好聽咗咁多既？」啊童聽到後說。 

Suki向她報以一個自信的笑容，然後繼續唱。 





「佢以前唱歌好難聽㗎咩？」從未聽過她歌聲的我悄悄地問啊童。 

「係㗎，都真係幾難聽㗎。」啊童說。

 我點了點頭。

 但當她唱到去最後一段的副歌時，

她竟然，哭了起來！ 

她撕心裂肺地唱著，投入了大量的情感，

 用盡了所有力氣地，最後更哭不成聲。 





身處房間內的我們不敢出聲，生怕只會幫倒忙，

令到Suki更傷心。

 音樂聲停了後，沒有敢動身去點歌，

整間房間只剩下Suki的抽泣聲。 

我跟兄弟們互相對望著，用眼神示意對方開腔，

安慰Suki，

 可就是沒人敢出聲。

 終於，看不過眼的啊童從袋中拿出了紙巾，打破了這僵局。 





她將Suki擁入懷中，而Suki亦配合地抱著啊童，

 乾脆把頭靠在啊童的肩膊上繼續哭。

 過了好一會，她終於停止了哭泣，

「做咩事啊？無端端做咩喊啊？係咪個個靚仔蝦你啊？」啊童問。 

她只是搖了搖頭，沒有回答。 

「我冇野啦，你地繼續啦。」Suki說。

 「咁我地點首開心啲既歌！就皆大歡喜啦！」我說。





 於是我們便真的唱了皆大歡喜，

而Suki看到我們唱時， 亦破涕為笑，

跟著我們一起唱。

 「你班痴線佬，邊有人唱K唱皆大歡喜㗎？」已擦乾眼淚的Suki說。 

「你咪仲痴線，唱唱下歌唱到喊，嚇死我地啊。」啊童回應。

 「咪係，比你打亂晒我既計劃。頭先呢，啊童就話，要同我鬥唱歌，睇吓邊個唱得好聽， 由你地做評判。所以宜家，我就要點歌！你地話點咩歌好呢？」我走到點歌機前問。

 「仲駛問既啊言？你唱返你表白既時候唱個首歌啦。」Suki說。 

「你講最後晚餐？」 

「屌你，唔L係濕9 Moment啊，連你表白既時候唱邊首都唔記得，叫你唱小...」她好像意識到自己說錯了話一樣，突然住了口。

 旁人可能覺得奇怪，但身為當事人的我，更多的，是覺得錯愕。 

「你...」我驚訝得說不出話來。 

「得！我知你想講咩，呢個係秘密。」Suki打斷了我的說話。

 「Suki我覺得你今日真係好奇怪。你快啲講，你有咩暪住我！」 

「冇啊，真係冇，你地又話睇下邊個唱歌好聽啲，快啲唱啦。」

P.s.關於本章Suki奇怪之處，大家可以無視佢，過多一年半載可能就明。





跪求大家Follow我既IG: MaanYin05