是咁的，我同女神做咗鄰居: 122.

吃完後，我們便繼續溫習，

到了晚上，啊童便回去，

而我也終於有時間休息一下。

 之後的那幾天，啊童都會過來找我溫習，

一起吃午飯， 時間一轉來到十二月廿八日。 





「叮」我跟啊童的手機同時響起。

 「咦，魚蛋Send野出嚟喎。」我斜眼看一看電話。 

「睇下講咩先。」啊童拿起手機說。 

「有冇興趣除夕唱通宵K？」

 「我OK喎，我咁大個仔都未唱過K。」我說。





 「但係...」 

「但咩係吖，去啦。」 

「四號就考試啦喎。」啊童把她剛才想說的句子說完。 

「唉呀啊童，溫書之餘都要放鬆下㗎，去啦去啦。」很想去唱K的我不斷慫恿著啊童。 

「咁啊...好啦。但係，有位咩？」





 「你問下囉。」 

啊童：有位咩？

 魚蛋：有，我見到仲有所以先問下大家。 

「咁去唔去啊？」我問。 

「你係咪想去啊？」啊童問。 

「係呀。」

 「咁...我都去囉，帶埋本書去溫。」 

「吓，帶埋本書去溫，駛唔駛啊...」





 「緊係要啦，把握每一分每一秒吖嘛，人地唱緊既時候你咪溫書囉，有咩問題，反正人地唱緊既時候你都係等㗎啦。」 

「好大壓力啫，去玩都要帶埋本書去。」

 「咁一係唔好去玩囉，係屋企繼續溫。」 

「咁又唔好，去去去，帶埋本書去，聽晒你話，得未？」 

「應承我，個日就算去到都要認真溫，好冇？」她伸出手指尾。 

「唉，你話點就點啦。」我不情不願地跟她勾一勾手指尾。

 「好啦，咁我地繼續溫。」





 不久後，全部人除了Suki以外都答應了魚蛋的邀約。 

魚蛋：點解唔得閒啊？

 Suki：關你L事咩，總之個日我就唔得閒啦，有野做。 

「喂，你同Suki咁熟，知唔知點解佢唔去得啊？平時我地約親佢都會嚟㗎喎。」

 「吓，可能佢個日咁啱唔得閒呢。」 

「我覺得唔係，平時佢就算唔得，我地問佢原因，佢都會願意講，但係佢今日唔肯喎。」 

「咁你想點吖，再講，人地唔得閒關你咩事啫，你又唔係想溝佢。」 

「咁八掛下都得掛，同埋你唔想知你個好姊妹點解神神秘秘咁㗎咩？不如，你打比佢問下佢啦。」 





「嘖，真係麻煩，成個八婆咁，咁八掛。」啊童拿起電話打給Suki。 

「開Speaker。」我提醒她。

 她反了反白眼後，打開Speaker。

 「喂，啊童，做咩打俾我呀？掛住我啊？」Suki很快便接聽了。 

「你做咩唔去唱K啊？」

 「哦，你都有啊言陪啦，我去唔去都無所謂啦。」

 「你有野做啊？」





 「你唔好講出去啊下。」

「得啦。」

話雖如此，但其實我就在旁聽著。 

「我最近呢識咗個靚仔。」

 「咩話！」我倆忍不住衝口而出。




跪求大家Follow我既IG: MaanYin05