是咁的，我同女神做咗鄰居: 121.

她點了點頭。 於是我便走出大廳去找老媽。 

「啊媽，你知唔知啲燙火膏擺係邊啊？」

 「你要嚟做咩？你淥親咩？」

 「唔係我，係啊童頭先比啲滾水淥親啫。」

 「吓！你地搞咩啊，做咩會淥親㗎？」





 「冇，我原本諗住搵啲野同啊童做下啦，咁咪試下整心太軟囉，咁整熔啲朱古力就要用到熱水喎，於是啊童咪去斟囉，點知就一個唔覺意比熱水淥親。你答咗我問題先啦，燙火膏係邊到啊。」 

「你真係，以後點照顧人地吖你，真係同你老豆一樣，想當年佢溝我既時候，就同你一模一樣，都係傻更更，好遲鈍咁㗎，都唔知點解我會嫁比佢。燙火膏係出面擺鞋隔離個櫃到啊，你去攞啦，我去睇下啊童點先。」老媽說。 

「你啫係話我傻更更，好遲鈍啦宜家，唉不過算，幫咗啊童先。」我走出去大廳拿燙火膏。 

成功找到燙火膏之後，我便回到廚房。

 「陰公囉，下次小心啲，知唔知啊。」





 「知道嗱，唔該Auntie。」 

「衰仔，你啊，下次唔好再要啊童做呢啲野吖嘛。」 

「我點知佢斟下水都會淥親啫...」 

「喂啊！都話唔關我事咯。」啊童不滿地說。 

「係係係，唔關你事。得啦，以後呢啲咁危~險既事就交返比我做啦唉。」 





「睇實啊童啊，衰仔，佢再有咩差池，因住我打死你啊！」老媽說。 

「得！我保證會睇實佢！」 老媽點了點頭，便出了去，留下啊童給我照顧。

 「幫你搽下燙火膏啦，快啲好㗎。」我示意她伸手過來。 

「輕力啲啊。」 

「得啦得啦，我細細力咁幫你搽啦。」說罷我便為她柔柔地輕搓著傷口位置。 

「咁個心太軟點算啊。」 

「你休息下啦，個心太軟我會整埋佢㗎啦，你坐定定係度，好快有得食。」 於是我便獨自一人，完成餘下的所有步驟，最後就將心太軟放進焗爐焗它一會就大功告成。 

「唉，以後都係唔好同你整野食，一陣間整整下又整親就唔好啦。原本見你今朝整個Pancake好似整得好開心咁，點知原來難少少既野就已經唔得。」 





「都唔關整野食事，都話係個水機問題咯。」 

「唉，係啦係啦。不過呢個心太軟你都叫做整咗30%既。」 

「我同你講，就係因為呢30%，呢個心太軟將會變得好好食。」

 「唓，吹得就吹，有冇你都係冇分別㗎啦。」 

「喂啊萬浩然，你可唔可以讚下我㗎，一啲都唔浪漫。」

 「唉，好勁啊好勁啊，點解可以咁好食㗎，我未食都知道呢個心太軟會好好食啦，哎呀，我等唔切啦。」 

「收唔收貨啊？」我說完後迅速轉臉問她。





 「真係同你講都嘥氣。」啊童搖著頭說。 

「叮」在我們談話間，心太軟已經焗好。

 啊童急不及待想拿它出來。 

「痴線㗎你，諗住徒手攞出嚟。果然都係唔應該比你入廚房。」我帶上防熱手套，把整盤心太軟拿出來。 

「吓，好熱㗎咩？點解你要帶手套既。」無知的啊童問。 

「緊係啦，啱啱用百幾度焗完嚟呀。」我反了反白眼說。

 我將整盤心太軟放在大廳的桌上。 

「啊媽你食唔食啊？」





 「唔食啦。」 

「咁你食幾多個？」我問啊童。

 「一個夠啦。」 我把其中一件搬到碟上，遞給啊童。

啊童一接到自己的那件，就立即拿起叉子，

狼吞虎嚥地進食起來。

 「喂，講咗幾多次啊，慢慢食啦，成日都好似下一秒就冇得再食咁。」 

「咁係好味吖嘛。」啊童口齒不清地說著。 





「知唔知點解啊？」 

「唔知。」她搖了搖頭。 

「因為你有份整㗎嘛。」 我應她要求稱讚她，卻沒想到她為了我這短短的一句話，而笑逐顏開。 


跪求大家Follow我既IG: MaanYin05

又一個唔覺意寫多咗啦，原本預寫一至兩章，

結果寫寫下寫咗咁多野， 唉，失敗。