是咁的，我同女神做咗鄰居: 94.

時間踏入十二月，

我們作為學生最期待的，

自然是聖誕假期。 

而我除了期待以外，

更多的，是緊張， 





因為第一場學界羽毛球比賽在不久之後便會開打，

 亦是我人生中第一次以正選身份參加這個比賽。 

這一天早會時，我卻比它的內容所吸引著。

 「唔知你地鍾唔鍾意唱歌呢？機會嚟啦飛雲！一年一度既Sing Con將會係今個月既十六號同廿三號舉行初賽同決賽，有興趣既朋友可以去學生會到報名參加，希望到時見到你地啦！」學生會主席說。

 以往兩年，我從來都沒有參加過Sing Con，

嚴格來說， 我甚至沒有試過在他人面前唱歌，

啊童是唯一聽過我歌聲的人。

 所以，今年，我決定要參加Sing Con，

為中學留下美好的回憶。

 當天小息，我便去了學生會門口拿報名表，

卻比Suki看見了。

 「咦，你諗住參加Sing Con啊？」Suki一離遠看到我後問。 

「哦？係啊。」我回應。 

「係咪諗住唱比啊童聽先？」Suki又擺出她那副招牌奸笑著的樣子。 

「哼，唔話你知。」我說。 

「你唔話比我知我就同所有人講你為咗啊童而參加Sing con。」Suki威脅我。

 「嘩你咁仆街㗎咩...我未諗會唱咩歌啊。」我乖乖就範。 

「哦，咁就...唔阻你啦，你慢慢填個報名表啦，嘻嘻。」她說。





 我點了點頭後便繼續埋首於報名表中。 

小息完後，我回到班房，

卻看見他們正在熱烈討論。 

「傾得咁開心...傾咩啊。」我走過去問。

 「參加Sing Con啊你諗住？」Marcus問。 

「係咪諗住唱情歌比周樂童聽先？」肥強問。

 一臉茫然的我看向了Suki， 





「唔係話唔話俾人知㗎咩？」我問。 

「我冇講過唔同人講你參加Sing Con喎。」Suki對我做個鬼臉說。 

「吓...你真係仆街嚟㗎喎。」比她擺了一道的我說。

 「喂，咁即係你真係諗住係台上面，當住全校既面，對周樂童唱情歌，跟住再順手表白啊？」魚蛋問。

 「唔L係啊，你地唔好成日自己亂咁諗跟住就當係啦，屌。」我說。

 「咩亂諗野啊？你地講緊咩啊？」剛剛回到班房的啊童問。

 「啊言呢，佢諗住係...。」啊正話未說完，

我便已經衝了上去，按住他的嘴，

不讓他繼續說下去。 

「咩啊？奇奇怪怪咁，有咩唔俾得我知啫？」啊童看到我的舉動後問我。

 「係...做咩啊，冇啊，冇野唔俾得你知啊。」我立即鬆開手若無其事地說。

 「咁你做咩唔俾佢講野啊？」

 「冇啊，我見佢個嘴污糟咗諗住幫佢抹咗佢咋嘛。」 

恰好這時老師來到，啊童才沒有繼續追問下去。
        






跪求大家Follow我既IG: MaanYin05