是咁的，我同女神做咗鄰居: 93.

我吃飽以後，便走了進去洗碗，啊童亦跟著走了進來。

 「你入嚟做咩啊？又想叫我唱歌啊？再唱落去我驚我把聲定唔順喎。」我說。 

「唔係...我係想話，我洗碗啦。」啊童說。 

「你得唔得㗎？之前暑假你日日都係窗到同我傾計，你肯定平時冇洗開碗啦。」我說。 

「此言差矣，我係有洗碗㗎，不過洗既次數唔得咁解。你放低啲野啦，我都唔會咁過份 ，要你煮野食比我食，跟住仲要你幫我洗埋碗㗎嘛，嚟啦，比我洗。」啊童說。





 「得啦，我作為一個好既男朋友，又點可以要個女朋友做呢啲會傷手既工作呢？」我說。 

「唓，都話你未係我男朋友咯，唔好成日咁講，跟住講下講下當埋係真添啊。」啊童說。 

「咦，未~係？」

 「哼，又蝦我，你慢慢洗啦。」啊童說罷轉身就走。 

「喂喂喂喂喂，咁又唔好。碗呢，就唔洗你洗啦，不過呢，你係度陪我傾下計啦，如果唔係我自己一個會好孤獨㗎。」我說。 





「唉，見你咁慘，又要煮野食，又要洗碗，本小姐就大發慈悲，陪下你啦。」啊童隨便抓了將椅子坐下。

 有了啊童的陪伴，洗碗這項本來十分沉滿的工作變得有趣，

 甚至有一刻我想世界永遠停留在這一段時光。 

快樂的時光總是過得特別快，我很快便把碗洗完。 

「洗完啲碗啦嘛，去溫書啦我地。」啊童拉著我離開廚房。





 「又溫？溫咗成個晏晝啦喎，同埋係比我除咗條圍裙去先啦。」

我身上還穿著印有老媽最喜愛的Hello Kitty，粉紅色的圍裙。

 「咩溫咗成個晏晝啫？你掛住打機，都冇溫過書。」啊童說。

 「你係咪搞錯咗啲野啊？好似唔係我掛住打機唔溫書喎。」

 「緊...緊係唔係啦，我話係你就係你啦。」

比我說中了的啊童，臉上紅了一紅後說。

 「唉，不如今晚唔好溫啦，聽日先繼續。」我說。

 「唔得！」 





「想唔想食心.太.軟.啊？」我利用美食引誘她。 

啊童一聽到我提議吃心太軟，臉上閃過一絲猶豫， 

「溫...書啦。」 

「我請你食好好味既心太軟喎，真係唔食？我地好耐冇食過啦喎。」

 「嚟啦嚟啦，我想食啊。」我繼續說。 

「好...啦，去食啦。」啊童深吸了一口氣後作出了決定。

 「耶。」 結果當晚，我們便去了甜品鋪吃心太軟。 





「係咪兩個心太軟啊？」文姨一看到我跟啊童便問。 

「係啊文姨。」我回應。 

「唔該文姨。」啊童說。

 不知怎的，每次一來到甜品鋪，

看到文姨親切的笑容， 吃到那美味的心太軟， 

心裏總是有一種很溫暖的感覺。 很快我們便吃完心太軟，

然後便各自回家了。 

之後的日子，基本上每一天都是啊童放學後陪我溫習，

不同的是我們偶爾會一起玩Overcook，

 到了星期六，啊童訓練我打羽毛球，

除了練習以外， 她更會找來她的舊隊友，

來跟我比賽，因為她覺得實戰才是令我進步得最快的方法，

 到了後來，啊童能找的隊友全都跟我比過賽了， 

於是啊童就找街場的人跟我比賽， 

有時技癢的啊童又會落場跟我一隊打雙打，





 漸漸地，我不只磨練到技術， 

更加培養出意識及觀念。

 我們甚至會去不同的球場找人比賽， 

為的，就是能讓我在學界比賽之前準備好。




跪求大家Follow我既IG: MaanYin05