是咁的，我同女神做咗鄰居: 83.
「哈，我贏咗，快啲俾支水動樂我。」倒在地上的我興奮地說。
「你...你快啲放開手先啦。」啊童紅著臉說。
我立即把自己的手縮開，然後重新站起來。
「攞支水動樂嚟啦，遵守承諾啊。」我伸手扶起啊童。
「痴線，你出矛招既，唔算數啊！」啊童把那支水動樂收在身後。
「你就痴線，都冇話唔可以咁樣做，你頭先淨係話入球場之前捉到你，我就可以唔洗俾錢㗎喎。咁宜家我捉到你，咪即係我贏咗囉。」我說。
「仲之咁樣做就係犯規啦，你想飲就俾錢！」啊童不肯讓步。
「唉怕咗你，俾錢啦我。」
為了不渴死，我最終決定犧牲銀包內的一點錢。
我順利拿到水動樂後，便大口大口地喝下。
我跟啊童回到毛毛所在的球場，打算來一場比賽。
「你兩個搞咩啊頭先？」毛毛問。
「冇野啊。」我們異口同聲地說。
「冇野？古古怪怪咁。」毛毛冷笑一聲後便走開。
「係咪打啊？」我問。
「嚟吖，我今次一定會贏你。」啊童拿起球拍說。
結果，我竟然真的比啊童贏了。
「哈，廢~柴，有人輸咗比我喎。」啊童囂張地說。
「嗱，我係費時你一陣又扭親隻腳，先冇出盡全力打咋。」不甘心的我嘗試找籍口。
「廢就廢啦你。」啊童對我做個鬼臉說。
「咦，睇嚟有人輸咗比個女仔喎。」這時毛毛過來說。
「冇啊，邊有啫。」我立即否認。
「仲話代表學校出賽喎，你連個女仔都不如啊，點同其他學校既男仔鬥啊。」
「你理得我啫。」
「不如咁啦，一場兄弟，我幫你頂咗佢。我地宜家去同教練講你覺得自己既能力不足以成為正選，所以想讓個位比我。」毛毛奸笑著說。
「你就想啊，我勁過你㗎。」我打破了他的美夢。
話雖如此，但其實我自己心裏也很擔心會成為隊中的負累，
始終我現在是越級挑戰A grade，
(通常A grade係Form5-6既人打，但係我學校唔夠人，所以我一定要打A grade，如果唔係就比唔到賽。)
對手的實力很大機會是在我之上，
如果我現在連啊童也打不贏的話，
那我根本不用幻想我能打得贏其他學校的人。
所以，當天訓練結束後，我便去了找教練。
「啊言？做咩事啊？」正在收拾用句具的教練看到我後問。
「冇，我只係覺得，我既實力唔足以比我係做正選。」
「點解咁講？我地男仔入面，Form 3 最好打就係你㗎啦喎。而且，我地中五宜家傷咗一個，即係剩返兩個，中四又係得兩個，而我地要出賽，就一定要有五個人或以上，所以你係冇得揀。」教練為我分析。
在這裏先向大家說明一下羽毛球學界比賽的賽制。
每一場比賽，
都會採用五回三勝， 第一，三，五場，都是單打。
(若頭三局全取則不用打第四，五局。)
而第二，四場，就會是雙打。
曾出過場的人可以再次出場，
例如A曾在第一場打單打，
他第二場仍可繼續打雙打。
回到正題。
「係啫，但係我真係覺得自己唔會夠人地打。」我說。
「你其實係同齡既人嚟講已經算係打得唔錯。」
「但係我連一個女仔都打唔贏。」
「你指周樂童？」
「唔。」我點一點頭。
「我問你，你幾時開始學打羽毛球？」
「中一。」
「咁咪係囉。佢由細就開始學，而且佢上次都輸比你啦，今次可能係你狀態唔好啫。」
「但係如果我到時都狀態唔好呢？」
「咁都無辦法㗎。唯有係比賽之前練多啲，令你既技術進步。」
「但係宜家每個星期得個一日練習，根本就好難進步。」
「你同周樂童係咪好熟？」
「係呀。」
「周樂童，你過一過嚟吖。」教練對在椅上正坐著的啊童說。
「咩事啊？」啊童走過來問。
「你幫我訓練啊言。」
「吓！」我倆聽到後不約而同地說。
「我唔識㗎喎。」啊童說。
「好簡單㗎咋，你諗返你之前既教練係點訓練你先，然後你再用同樣既方法去訓練啊言就得㗎啦。」
「得唔得㗎？」啊童懷疑地說。
「啊言你走一走開先。」教練說。
「喔。」我乖乖走開。
過了一會，啊童便走了過來，
我看向教練，
「加油！佢叫你做咩你就做咩。」教練對我說。
「係。」我恭敬地說。
「你地走得㗎啦。」
「Bye Bye 教練。」我對他說。
「Bye Bye。」教練對我們二人說。
我們出了門口後，好奇心重的我立即問啊童，
「喂，頭先教練同你講咗啲咩？」
「唔講，秘~密。」啊童說。
「嚟啦，我想知啊。」我哀求著啊童。
「聽日開始練波，練完就溫書。」啊童說。
「吓，咁chur？聽日星期六喎？又練波，又溫書？」我問。
「教練話我叫你做咩你就做咩，係咪有異議？」啊童問。
「冇...」
跪求大家Follow我既IG: MaanYin05
祝各位琴日愚人節快樂。
啲壓力突然之間無晒，好得閒。
呢個故我係點都唔會棄既，我腦入面都仲有好多Idea，所以琴日所講既野，全部都係呃你地既！
哈，多謝支持。