是咁的，我同女神做咗鄰居: 82.

回到正題，我一看見這個情境後，勃然大怒，

 「喂！你做咩呀！」我一路跑一邊大喝。

他們兩人聽到後都呆了一呆，

 Donald甚至被我嚇得下意識鬆開了手。 

我就趁這個機會立即把啊童拉到我的身後。 





「你有冇事？」我回頭低聲問啊童。

 啊童搖了搖頭，

 「你頭先做咩啊！」

得知啊童沒有事後，

我便對著Donald大喝。 





「冇做咩啊，見到佢咁慘自己一個係度買野飲，我咪陪下佢囉。」Donald笑嘻嘻地說。 

「係咩？我頭先仲見到你捉住佢隻手喎！陪人係咁陪㗎咩？」 

「我諗住替佢減輕下負擔，幫佢攞住支水動樂之嘛，有咩問題啊？」他扮作無辜地說。 

「佢唔駛你幫啊！以後唔該你離啊童遠啲，唔好再比我見到同樣既事情發生，如果唔係我一定會同老師講。」我說。 

「咁我有自由㗎嘛，我係鍾意跟住佢啊，你吹咩？」Donald嘗試挑釁我。





 我強忍著怒氣，雙手緊緊握著拳頭，

我知道自己不可以打他， 

因為若我先出手，

我便會處於劣勢，

 他可以以自衛作理由跟我對打，

 之後老師問起， 也不會怪罪於他，

 會受罰的，只會是我。

 「算啦啊言。」在我身後的啊童輕聲跟我說，





 想必她也明白到我剛才所說的道理。

 「唔好俾我見到有下次。」我指著他說。 

說罷，我便跟啊童離去了。

 「好彩我過嚟睇下你發生咩事咋，佢頭先有冇對你做啲咩啊。」我問。

「佢諗住搶走支水動樂囉，咁我買俾你㗎嘛，咪死都唔放手囉，結果咪俾佢捉住咗隻手，好彩佢一捉我隻手，你就出現咋。」啊童心有餘悸地說。

 「嘩，你快啲攞嚟先，我好口渴。」我伸手想拿走那支水動樂。 

「喂，俾錢先。」啊童攤開手掌說。 





「你唔係話買俾我㗎咩？」

 「冇話送吖嘛。」 

「頭先邊個救你㗎？」 

「邊個要你救啊？我自己都走得甩啦。」 

「吖，你條友吖。攞嚟啊。」我伸手打算搶走她手上的水動樂。 

「嘩，搶野啊！」她甩開我的手後立即跑走。 

「唔好走啊！」我從後追著她。 

「如果我返到球場之前比你捉到，你就唔洗俾錢。」她一邊跑一邊說。 





「咁我可以收返埋個銀包先啦。」緊隨其後的我說。

 「你捉到我先講啦！」她加快速度。 

漸漸地，我們之間的距離越來越近， 

但同時間，啊童跟我已經進入到最後的大直路， 

前方就已經是大門了。 

只見啊童離大門只剩五步之遙，

 為了省下那十多元， 我決定出奇招！ 





我計算好距離， 身體微微坐下，

然後用盡力向前一撲， 我成功從後抱住了她！

 沒有料到我會這樣做的啊童尖叫一聲， 

結果我倆因為力度過大而雙雙倒地， 

發出了一聲巨響，吸引了全場注意，

 幸好整個場都比我們學校Book了， 

沒有其他外人，不然我們一定會比他人恥笑。




跪求大家Follow我既IG: MaanYin05 

係到我想同大家講一聲對唔住，因為我小弟真係越嚟越忙，

之後真係冇時間繼續寫故，

我知自己曾經講過自己一定唔會棄故，

但係真係好對唔住，

壓力真係好大，

我諗我應該冇能力繼續寫落去，

除咗冇時間之外，

我自己都已經可以話係江郎才盡，

已經再諗唔到點寫，

係到同支持我既野講一聲對唔住，

我諗我由今日開始就唔可以再寫落去，

呢篇將會係呢個故既最後一話。

多謝大家既支持，有機會等我冇咁多野做或者冇咁大壓力既時候我或者會返嚟繼續寫，

但係我相信現階段唔會，希望大家明白。