是咁的，我同女神做咗鄰居: 69.

不知不覺就到了三點三，我們到了集合點集合，

 「男班長，幫我睇下各位同學到齊未？」Mr Wong問。 

「到齊。」我數了數後回應。 

「好，咁我地就係呢度解散，想出返去筲箕灣既可以跟我去搭巴士。」Mr Wong說。

 「咁我地點啊？」我問我的組員。 





「你地想返去吖，定係繼續玩？」啊童問。 

「痴線，山長水遠嚟到呢度，緊係係呢度玩耐啲㗎啦。」啊正說。

 「其他人呢？」啊童問。 

「係到繼續玩囉！」魚蛋說。

 「咁我地返去繼續燒野食？我仲未食飽。」我說。 





「好喎，反正我地都未燒晒我地自己帶過嚟個啲野食。」肥強說。

 「咁返去啦。」啊童說。 

於是我們便又回到去那個燒烤場，

坐回同樣的位置，繼續燒烤。

 我們一直燒，直到黃昏，





 「出去行下先。」啊童邊站起來邊說。 

「我一陣嚟搵你吖。」還忙於燒雞翼的我對她說。 

「好啊！」

 「喂啊言，你又知佢去邊到行？」魚蛋問。 

「有電話㗎嘛天才。」Suki白了他一眼說。

 「你信唔信，我唔用電話都搵到佢吖？」我問。 

「我唔信，呢度咁鬼大，你唔靠電話點搵到佢？」魚蛋說。

 「睇下點。」 





在雞翼上掃上一層薄薄的蜜糖後，

再燒多十來秒，我便開始進食。

 吃完後，我便起身準備去找啊童。

 「喂，你係咪話唔用電話就可以搵到啊？」魚蛋問。

 「係呀，你唔信啊？」我反問他。

 「係呀，我就係唔信啊，一係你放低部電話係到囉，你帶到周樂童返嚟㗎話咪信你囉。」魚蛋說。

 「好啊，我就證明比你睇！」我交出電話後往沙灘方向離去。





 為什麼我會如此有信心，覺得自己會找到啊童？ 

原因無他，因為我深信，

啊童會選擇在黃昏時出去走走， 

一定是為了看夕陽，

 而整個石澳中，

最好觀賞夕陽的地方，

就一定是沙灘。 亦即是說，

只要我沿著沙灘行，就會找到啊童。





 果不其然，向前走了不遠後，

我便看見了坐在長椅上的啊童，

正在看著那片比太陽照耀成金黃的大海發呆。

 她並沒有察覺到我的存在，

於是我便走近一點， 

但竟看到她正在默默地流淚。 

我裝作沒有看見她流淚，

從遠處叫了一聲她的名字， 

她聽到後立即擰轉頭，並用手把眼淚擦掉，

然後回頭對著我笑了笑。 

我走過去她的旁邊坐下， 

「點啊，又睇夕陽啊？」我問。 

「趁有得睇就好好珍惜啊嘛，緊係要睇多幾次啦。」啊童說了一句耐人尋味的話。 

「此話何解？」我問。

 啊童笑而不語，

但我總覺得她的笑，帶著一絲悲傷，

 她的眼神中，帶著一點憂鬱。

 我就坐在她的旁邊，

靜靜地陪她欣賞太陽落下，

 隨著太陽的落下，

天空只剩下一道晚霞，

 看到如此美景，令我心中突然有股衝動， 

想在此刻，跟啊童表白。 

我不知從那來的勇氣，說出了個「我」字。 

聽到我說話的啊童轉過頭來看著我， 

事到如今，

我於是便抱著「死就死啦。」的心態，

去說完整句句子。 

「我...鍾意你。」我深吸了一口氣後，

說出了這四隻一直不敢說的字。 

心跳頓時加速，等待她回應的時間好像特別久，

 每一秒對我來說，

都好像過了一個小時一樣， 

很漫長， 很漫長，

空氣好像凝住了般，世界變得寧靜...




跪求大家Follow我既IG: MaanYin05