是咁的，我同女神做咗鄰居: 68.

玩了差不多半個小時後，她終於堆砌好一個城堡了。 

「你睇下，勁唔勁先，一座咁靚既城堡，就咁樣誕生咗。」

 「得啦得啦，知你勁啦，我返得去食我個幾粒魚蛋未啊？」我敷衍地回應她。

 「你都冇認真睇既。」

 「我真係好肚餓啊，你比我食完野之後返嚟先再慢慢睇，好冇？」





 「唉去啦去啦。」 

「好快好快。」

我立即跑回去，打算進食那已經涼了的魚蛋。

 誰知我還未回到去，就遇到拿著沙灘球走出來的啊正。 

「喂啊言你去邊啊？出去玩數字球啦我地。」啊正說。





 「我返去食啲野先啊，一陣先過嚟同你地玩。」 

「唔好啦，玩咗先食啦，過嚟啦。」啊正拉著我的手說。 

「大佬我好肚餓啊。」我說。

 「得啦得啦，我地都係玩一陣咋嘛，玩完你咪返去食囉。」Marcus說。

 「唉是但啦。」我又再次被迫回到沙灘。 





「咦，啊言，你咁快食完啦？」正在堆沙的啊童問我。

 「唔係啊，我地諗住玩數字球啊，你一唔一齊啊？」啊正問。 

「下，我唔想跑喎。」啊童聽到後說。 

「唔怕啦，一齊啦，啊童。」Suki勸啊童。 

「咁啊，好啦。」

 「咁我開波先啦。」啊正拿著球說。 

「好啊。」 

「三號！」啊正把球拋起並大叫。





 身為三號的我立即向前接著那顆球。

 未待他們跑回來，

我便立即把球再次拋起， 

並大叫五號！亦即啊童。 

把球拋起後的我立即跑走， 

到啊童趕到過來時，球已經碰到了地下， 

我們亦各自找到了地方躲起。 





「最多行三步！」啊正提示啊童。 

「痴線，你地走到咁遠，行十步都唔夠啦。」拿著球不知所措的啊童說。

 「人既問題，唔關我地事。」我從燈柱後探頭出去說。 

「食屎啦萬浩然，我就掟你，你千祈唔好郁啊。」她向著我這邊走過來。

 「你掟得中我先講啦，你掟得中，我比你地埋落啲沙到又點話吖。」大言不慚的我大聲說。 

「係咪呀，唔好反悔啊嗱。」啊童說。 

「得啦，你掟得中先...」

 我話未說完，

那球便已經直直地向我飛過來，閃避不及的我就比它擊中了。 

「Yeah！」啊童手舞足蹈地大叫。

 「埋咗佢，埋咗佢！」我的兄弟紛紛走過來起鬨。

 結果，我便比他們徹底地，

由頸到腳，全部用沙淹沒。

 「喂，玩L完未啊，我好肚餓啊！」動彈不得的我問他們。

 「我地咁辛苦先至埋到你，點可以咁快就走㗎，起碼都影返幾張相先啦。」啊童拿出電話說。 





「嚟，笑！」啊童一連自拍了好張照片。 

這一張照片，就成為了我箱中的第五張相片。 

「快啲啦，我要去食野啊。」我催促她。 

「得啦得啦，影完啦，你去食啦。」她收起電話說。 

「喂，幫幫手，我起唔到身。」我向我的兄弟們求助。 

「你咁廢㗎，自己起身啦，得個小小沙，我地唔好幫佢。」Suki奸笑著說。

 「係囉，自己起身啦。我地走。」魚蛋附和她。 

「喂喂喂，你班仆街。唔好走啊。」我看著他們越走越遠的背影說。

 幸好他們沒有堆太多沙，所以我自己掙扎了一會就能站起來了。

 滿身是沙的我拖著疲倦的身軀走回去，

拿起放了差不多一個小時的魚蛋進食。







跪求大家Follow我既IG: MaanYin05