是咁的，我同女神做咗鄰居: 66.

一星期很快便過去，

除了每天也比啊童強迫我溫習以外就沒有甚麼特別的事情發生，

 終於到了旅行日，我的心情當然是十分興奮，

因為這將會是我第一次跟啊童出去玩，

 再加上，我自己亦很期待能跟一大群朋友一起BBQ，

談天說地。

 當天，我一早便醒了，

可能因為太興奮，所以我久久未能再次睡去，

 於是我便起床執拾一下旅行要用的東西。

 待我把已經整理好所有要帶的物品後，



我便打給啊童，詢問她要不要一起吃個早餐才出發。

 「喂啊童，一唔一齊去食個早餐先啊？」我問。

 「喔...好吖。」聽起來還未清醒的啊童回答我。 

「咁十分鐘後出面等？」 

「唔...」之後她便Cut了線。



 我放下電話後便去了換衫，

穿上了一件T-shirt及長褲， 

差不多十分鐘後我便走了出去等她。

 這一等，就是廿分鐘了，

 待她走出來時，我已經差不多在地上睡著了。 

「喂，行啦。」

 我聽到她的聲音後張開眼， 

映入眼簾的卻是一雙長腿。 



我看到後呆了一呆，才懂得抬起頭，

 啊童發現我正色迷迷地看著她的長腿， 

立即打了我一下，

 「你個死變態！又望我。」穿著一條熱褲的啊童說。 

「咩啫，咁我都唔想㗎嘛，一擘大隻眼就見到你隻腳，我已經即刻移開個視線㗎啦。」 

「哼，行啦咸濕佬。」啊童說。

 我們吃過早餐後便出發往筲箕灣了。



 「快啲啦快啲啦，我地遲到啦。」啊童拉著我從地鐵站跑出去。

 原因無他，快樂不知時日過，

忘記了時間的我們比原定時間遲了十分鐘才到筲箕灣。 

「嗄...嗄，好攰啊！」我喘著氣說。

 「乜你咁廢㗎，又話自己係羽毛球隊？」她語帶諷刺地說。 

「係啫...」 

不久後，我們便到了集合地點。 

「咦，言哥，你終於到啦？個日唔係話咩記得...記得咩呢可~」Marcus說。



 「記得準時啊！」肥強跟他一唱一和。

 「唔知宜家幾多點呢？」Marcus看一看手錶。 

「咦，八點八啦喎，我地好似係話八點半係到等㗎喎。」Marcus繼續說。

 「屌得啦，對唔住囉，我遲到，得未啊？」我反了反白眼說。

 「講返正經野先，我地宜家分工去買一陣BBQ要既野。唔...就我同啊言一組，你地揾幾個同Suki一組。我地就買野食，你地就去買用具。」啊童再次擔當起領袖角色。

 「喂屌，我唔撚想跟佢地喎。」Suki立即反對。 

「我想你幫我睇住佢地吖嘛，乖啦，我驚佢地買漏野啊。」啊童說。



 「唉好啦好啦。」Suki說。 

於是我們便出發去購買食物。

 雖說我跟啊童一組，但其實我只是跟在她後面，

為她拿東西。 

「係呢，點解你要Suki自己一個對住成班男仔既。」在後面無聊的我問。

 「首先，你覺得Suki自己一個對住成班男仔有咩問題先？講真，佢啲粗口仲多過啲男仔啦，你唔係覺得佢係啲咩純情小綿羊下嘛，佢一定會應付得到啲男仔既。同埋呢...」 

「同埋咩啊？」 

「同埋我想佢地趁呢個機會破冰，熟悉下大家先啊嘛，如果我係到既話，佢一定成日都剩係痴住我，唔會同佢地講野囉。」

啊童繼續向我解釋她這樣分組的原因。 

「諗得咁長遠，小弟佩服。」我驚嘆地說。

 待我們差不多買完後，

我們便回到了集合地點，等待他們。




跪求大家Follow我既IG: MaanYin05