是咁的，我同女神做咗鄰居: 65.

第二天，班主任課時， 

「各位同學，琴日我咪叫大家返屋企諗下旅行日想去邊既，我地今日就會進行投票，選出我地下星期五會去既地方。」Mr Wong說。 

他話音未落，班房內已經掀起了一場熱烈的討論，

大家都在交換著自己對於旅行地點的想法， 

我的那群兄弟也不例外， 





「喂喂喂，你地諗住旅行去邊？」肥強問。

 「冇啊，嚟嚟去去都係個啲地方㗎，是但啦。」Marcus說。

 「雖然我地十成十都係去沙灘㗎啦，但係起碼可以揀啲好少少既沙灘吖。」我見機不可失，立即插嘴說。

 「你咁講...即係你對去邊到旅行有啲諗法喎。講啦。」Marcus說。 

「咁小弟呢，就有啲想去石澳旅行既。」我趁機把自己的想法說出來。 





「痴線，入去石澳個程巴士勁辛苦，左兜右兜咁。」在最前的魚蛋加入我們的討論。

 「咪係囉，言哥，你揀石澳啫係玩我地啫。」啊正說。

 「搭幾分鐘巴士啫...一係咁啦，去長州。」

我見自己的提議不比接納，於是便說出啊童想去的地方。 

「咁咪仲衰！要坐船喎。」魚蛋再次反對。 





「周樂童，你有冇咩地方想去啊？」Marcus轉為問一直未有發言的啊童。 

「我呀，唔...我想去長...都係唔好，我想去石澳。」啊童說。

 「石澳好喎！水清沙幼咁，我贊成啊！」剛才反對去石澳的魚蛋率先表示支持。

 「我都覺啊！你真係有眼光㗎啫，識得揀去石澳。」啊正說。

 我無奈地看著他們， 

「咁係咪即係大家都贊成去石澳啊？」我問。

 他們逐一點頭，於是我便繼續說， 

「咁我一陣就提議去石澳㗎啦，你地記得投啊！」 





「得啦。」

 最後，他們並沒有如上次般臨陣轉軚。

而石澳就成為了我們下星期會去的旅行地點。 

「好啦，咁我地嚟緊旅行既地點就係石澳。宜家我想你地分組先，六至七個人一組。」Mr Wong說。

 結果我跟四個兄弟，啊童，以及Suki一組。 

「喂，你地識佢㗎？」啊正指著Suki問。 

「唔識喎。」肥強回應。 





「佢係啊童個朋友嚟既，咁冇人同佢一組，啊童咪拉埋佢入嚟囉。」我為Suki解釋。

 「佢叫咩名啊？」魚蛋問。 

「搞錯啊！同班在成個幾月都仲未記得人地叫咩名。Suki啊，你不如介紹下自己啦。」啊童開口說。

 「唔好意思囉，咁我真係冇留意到吖嘛。靚女你叫Suki係咪啊？」魚蛋說。

雖然我之前曾說過我這一班，

除了啊童以外，就再沒有一個漂亮的女生， 

但看來我是走漏了眼，眼前的Suki，

雖然不論樣貌或身材都及不上啊童，





 但細看之下，其實也不差， 

若然好好打扮一下，

相信她絕對會迷倒不少男生。 

若啊童屬於溫柔類型的女生，

 那Suki必定是屬於比較粗鲁的女生。 

「係呀。」Suki簡單的回應。 

「咁總之我地嚟緊旅行日就會一組啦，咁因為係各組買自己個日想食既野，我地個日係咪BBQ吖，如果係既話，咁不如我地早少少係筲箕灣買？」啊童展現出自己的領袖潛能問。 





「好吖，就咁話。」啊正第一個附和。 

「嗱記得準時啊下。」我不忘提醒他們。 

「得啦。」他們異口同聲地說。

跪求大家Follow我既IG: MaanYin05