是咁的，我同女神做咗鄰居: 36.

十分鐘過後，

我喘著起地抵達海旁，

我沿著海旁一路走，

終於讓我見到一個少女的身影，

她獨自坐在長椅上。



 我心中大喜，立即跑過去，

「啊童！」我叫了一聲，

可惜她仍然不為所動。

 我再走近些， 好像有點奇怪，但我又說不出奇怪之處是甚麼。

 但心急如焚的我沒有理會太多，



我輕輕拍了她的膊頭一下， 

她轉過頭來，

竟是一位樣子清秀，與我差不多大的一個女子， 

我頓時明白為何我會感到奇怪了，

因為我聞不到啊童身上獨有的花香味，



 而且她並不是穿著校服的，

我心中暗自責怪自己為何如此大意。 

「做咩？」她疑惑地問我。

 知道自己認錯人後我當然立即道歉。

 「唔好意思我認錯人啊。阻到你好對唔住啊！」我說。 

「唔緊要，搵緊個女仔啊？」她問。

 「係...係啊，你點知㗎？」我問。 

她噗哧一笑，



 「你認錯我係你個朋友喎！咁我係女仔嚟㗎嘛，咁好明顯你要搵既人都係一個女仔啦。」 

我笑了笑，原本認錯人已經夠柒，

宜家仲問埋呢啲咁既白痴問題。

 「你激嬲咗人啊？」她問。 

「你又知？」我不解地問。 

「見你咁心急，仲要孭住兩個書包，其中一個擺明係女仔既書包嚟啦，而你又著住校服...」

她看一看手錶繼續說，



 「我估你地一齊食野？跟住你唔知做咗啲咩跟住激嬲咗佢，搞到佢書包都唔攞就走咗去。」

 聽完她的推論後我呆在原地，因為她全對！

 「世事都比你看透了，在下佩服。」我苦笑著說。

 「你個Friend個樣點㗎，我宜家都有啲時間可以幫你搵下佢既。」她說。

 「唔該你啊！」

我想也不想便答應了她的好意，

多個人可以分頭搵，快點找到她。

 我大概跟她描述了啊童我衣著及特徵。



 「係呢，你叫咩名啊。」她問我。

 「啊言。」 

「Candy。」

 「咁Candy你去個邊搵，我去呢邊。唔該晒。」我說。 

「得，你比你電話我，我一搵到我就打比你。」她說。 

於是我在告知她我的電話號碼後便開始在一條很長的海旁尋找啊童。

 過不多久，我的電話便響起了，



 我看一看來電顯示，

果然是Candy。 

「喂。」我說。 

「喂，啊言，我好似搵到個符合晒你頭先所講既特徵既女仔啊。你快啲過嚟丫。」她興奮地說。 

我聽到這個好消息，

當然急不及待地跑了過去。

 轉眼間，我便看到了Candy，

我向她揮揮手， 

她看到我後便舉起手指著不遠處的一個女生。

 我看過去，

果然是啊童，

她穿著校服，把馬尾放下來了，

雖然她背對著我們，但我這次真的肯定她是啊童。 

我經過Candy時，

輕聲跟她說了句唔該， 

「快啲去氹返人啦。」她說。 

「得啦。」我回應。




跪求大家Follow我既IG: MaanYin05