是咁的，我同女神做咗鄰居: 35.

過了五分鐘後，

我終於到了甜品鋪，

我不加思索便衝了進去，

 把裏頭的文姨嚇個半死。 

「哇，你做咩野啊？孭住兩個袋然後衝入嚟。」文姨說。 





「我...呼...呼。」我冇力地說。 

「唉你坐低先啦，我去攞杯水比你，你等陣。」說罷她便進了廚房。 

「嗱。」文姨把水遞給還在喘氣的我。

 「做咩事啊。」文姨問我。

 於是我便把整件事的來龍去脈都告訴文姨， 





「所以呢，我宜家就四周圍搵緊啊童囉。」我說。 

「跟住你以為啊童會嚟咗我度，於是頭先就衝咗入嚟啦。」她說。

 「係啊。唔知佢宜家係邊到呢？」我問。

 「呢層你就要自己諗下啦，不過我奉勸你快啲出去搵，越遲佢會越嬲」文姨說。 

「得，我宜家出發啦，唔該你啊文姨。」我拿起書包說。





 「唔...下個地方去邊好呢，佢唔係自己屋企，又唔係甜品鋪，仲可以係邊到呢。」 

突然間，一段回憶從我腦海中浮現出來：

 那時，我們正在玩大富翁，

啊童碰巧又要坐監，

於是她自己一個一信不發地在生悶氣。

 「喂，坐監啫，駛唔駛咁唔開心啊。」我安慰她說。

 「哼，都唔知點解有人會發明個遊戲係會叫個玩家坐監㗎啫，我都係想玩啫，宜家要坐監又唔玩得。好嬲啊！！！」啊童不滿地說。 

「好快就放監啦，等一陣咪得囉。」





 「唔得啊！我宜家好唔開心啊，嗚。」她扮哭地說。

 「救命啊，點解我會識咗個咁弱智既人㗎！」我無奈地說。

 「你話邊個弱智啊？你快啲安慰我啦。」啊童大力搖著我說。 

「唔好再搖啦，我暈啦。」

 「仲唔安慰我！」 

「小姐請問你平時唔開心會做啲咩呢。」我靈機一動。 

「你問嚟做咩啫。」 





「你答咗我先啦。」 

「聽歌囉，食甜品囉，去海旁坐下。」 

「你鍾意聽咩歌。」

  「Rubberband囉。」

 「咦，你都係橡膠迷嚟㗎，識野喎。」 

「哼，駛乜講。」 

「咁我唱首Rubberband既歌嚟安慰你，得未？」 

「快啦！」啊童興奮地說。





 於是我便唱了首Easy給她聽。

 回到現實， 

「聽歌，食甜品，同...去海旁！」

我頓時想起她說過她若不開心便會去海旁。 

想到這裏我立即起行，

由甜品鋪直奔去海旁。 







跪求大家Follow我既IG: MaanYin05