是咁的，我同女神做咗鄰居: 22.

之後的幾十天，我每一天也會跟啊童出街食午餐， 

然後再去食心太軟，

去她家玩大富翁，

我洗碗時她也定必會陪我。

 以上的所有活動已成為了我的習慣。





 距離開學還有十天，

這個暑假大概是我人生中過得最開心的暑假， 

原因無他，

因為有一個叫啊童的女生走進了我的生活中，

 然而，

我倆也很清楚開了學之後就不會再有機會一起去吃心太軟，

 因為大家已經沒有時間，

大家都將會忙於學業，

 可能跟彼此的交集就只會剩下在𨋢中跟對方打招呼。

 於是有一天我跟啊童正在玩大富翁時我便把我的擔憂說出來。 





「喂，其實你有冇諗過我地開咗學之後會冇咁熟啊？」 

「哦，你擔心呢件事啊，你點解會咁諗呢？」啊童笑著問我 

「吓咁好正常啫，開咗學，咁大家朝早又要返學啦， 跟住返嚟又要做功課啊，溫書啦，大家可能連見面既機會都冇， 咁自然就會冇咁熟啦，係咪先。」

 「呵，呢層你同我定，我可以好肯定咁答你唔會。」啊童充滿自信地說。

 「係咪㗎，唔好呃我喎。」我半信半疑地說。

 「我話係就係啦。」 

那晚，我百思不得其解，

究竟啊童為何會說出一番如此耐人尋味的說話？ 





為什麼她能這麼肯定我們會不會變得不熟絡呢？

 想著想著，我便沉沉睡去了。 

轉眼間，便來到開學前的最後一天，

 我如常地跟啊童出街，玩大富翁，

 「啊童啊。」

 「做咩啊。」她抬起頭來看著我。 

「開咗學之後唔好唔記得咗我，要多啲搵我玩。」 





「你信我，開咗學之後我地都會日日見面。」啊童笑著說。

 「我信你㗎，唔好呃我。」

 「得啦。哎呀又要坐監啦。」啊童說。

 「哈，真係唔知點解你成日都要坐監。」我笑著說。

 「最...最衰都係你啦。」說罷她打了我一拳。 

「吓，又關我事？」  

「唔關㗎，純粹想打你。」啊童奸笑著說。 

「你鍾意既話，我比你打一世又有咩所謂丫。」我細聲地說。 





「你話咩啊？」

 「冇野啊，繼續玩啦。」 




跪求大家Follow我既IG: MaanYin05