是咁的，我同女神做咗鄰居: 21.

「啊仔，你又做咩係廚房到自言自語啊。」我媽問。

 我反了反白眼， 

「自言自語咪自言自語囉，學校啲老師話咁做可以令思維更清晰㗎。」我求其回應她。

 「為咗令我可以更專注咁諗野，我宜家要關門，你亦都唔好再同我交談，直至我出嚟。」

 「你個死仔丫...」老媽的話還未說完，

我便把門關上。 

我走回窗前，

看見目睹一切的啊童正在偷笑。

 「笑咩啫？」我問在對面窗前的啊童。

 「冇野啊，見到你咁樣關門覺得好笑啫。」





 我點了點頭。

 「你做緊咩啊？」啊童問我。 

「洗碗囉。」我回應她。 

「悶唔悶㗎。」

 「緊係悶啦，你試下對住一大堆碗碟成個鐘丫，悶到飛起啊。」





 「一係...一係我係到陪你傾計丫！」啊童提議。

 「好喎，童童真係好好人啊。」

糟了，我剛才不小心叫了她做「童童」。 

「喂，邊個被你咁叫㗎，我係叫『啊童』㗎。」她紅著臉說。

 竟然都叫了她做童童了，那我便厚著面皮繼續這樣叫吧。

 「我係鍾意咁叫你啊，唔得咩，童童。」我刻意啦長尾音地說。

 「衰人，我唔同你傾計㗎啦。」 

「喂喂喂，咁又唔好。」 





「話時話，你都仲未同我講你讀邊間中學。」 

「哼，你之後會知㗎啦。」 

「唔好啦，我宜家想知啊，你就當係滿足我既好奇心啦。」我苦苦哀求她。

 「唔講！」她決絕地說。 

「講啦，我想知啊。」 

「到時你咪知囉。」 

「到時？」我疑惑地問。





 「係啊，你比啲耐性啦。好快你就知㗎啦。」

 「咁好啦。」我無奈地回應。 

有著啊童的陪伴，

時光過得特別快， 

過不多久，我便把所有碗都洗完了。

 「呼！終於洗完！」我伸了伸懶腰說。

 「洗完啦嘛？咁我走㗎啦。」

 「好啦，Bye bye。」





 「bye bye。」啊童揮了揮手說。 

正當啊童準備離去之際。 

「啊童啊！」我叫住了她。

 啊童轉身看著我。

 「做咩啊？」她問。 

「多謝你陪我。」我微笑著說。 

「Chew，仲以為你有咩講，Friend嚟㗎嘛，講呢啲。」

說罷她便真的轉身離去了。

 我呆在原地，心裏不停重播著啊童的說話。

 「Friend嚟㗎嘛！Friend嚟㗎嘛！Friend嚟㗎嘛！」

 果然一切都只是我痴心妄想，

她終究也只是把我當成朋友， 

她請我食雪糕，

跟我出街，

一起食心太軟，

一起玩大富翁，

陪我洗碗。 

所有行為，

其實也只是把我當成朋友，

不過其實我們也只是認識了一個星期， 

來日方長，

我必定要把她變成我的

女！朋！友！




跪求大家Follow我既IG: MaanYin05