《我的MK妹同桌》第二季: 133

可能，呢段時間我就係想搵返呢種簡簡單單，得閒串下嘅感覺。
 
喺我哋不斷往前衝嘅同時，我間唔中都想返返去過去，掛住以前充滿MK味嘅佢，著衫MMKK，行個街買啲平平地嘅嘢食，係街度邊行邊食，有時想搵返呢種簡單嘅感覺。
 
至少依家搵返，斷咗嘅回憶一下子上曬線，我以前就係咁樣愛緊呀詩，其他人唔會俾到呢種感覺我。
 
我摟住呀詩嘅纖腰，嚟到呢個好耐都無嚟嘅地方，原來眨下眼咁就一年。
 
呀詩間房少咗好多嘢，少咗佢係度嘅痕跡，枱面上遍佈塵埃。
 


「你幾耐無返過嚟啊？」我忍唔住問。
 
「我搬走之後真係無返過嚟，其他roommate禮拜六日返屋企嗰陣，我都無返到去，我寧願自己一個係hall。」呀詩不以為然，淡漠嘅表情掛係佢臉上。
 
「咁你可以叫我陪你㗎嘛。」
 
「我嗰陣都忙住溫書，同埋真係會想有下自己空間，平時roommate已經夠煩㗎啦！好彩之後換到房咋。」
 
「唔得啦，我真係好撚攰⋯⋯我去沖涼先。」
 


然後呀詩開咗水之後，我忽然諗到，佢咁攰，仲要沖涼，我可以幫佢沖涼！
 
呢啲唔知係咩AV或者係H漫情節，因為係我除衫嗰陣，我有一刻覺得依家嘅我好變態，最後用呢啲嘢係情侶入面好普遍嚟說服咗自己。
 
我一入到去，呀詩嚇到叫咗出嚟。
 
「屌你咩！嚇死我。」佢嘅攰樣因為咁而精神返。
 
我同呀詩肉帛相見，雖然唔陌生，但係咁樣沖涼，好似都係第一次。
 


「你個變態佬偷偷地走入嚟同我沖涼？」雖然講就咁講，但係呀詩隻手仲好自然咁拎緊花灑咁沖涼，沒有絲毫抗拒。

「我見你攰先諗住入嚟幫你沖涼咋！」我沒羞沒澀咁同佢講。
 
「你慳啲咸濕仔！」呀詩無理到我，係度享受緊沖涼。
 
我唔咸濕就唔係男人啦，但我唔係禽獸，唔係見到就要跟隨自己嘅慾望去做嘅狗公。
 
但見到呀詩係度沖涼嘅光景，佢曼妙嘅身軀俾水親吻全身，緩緩地流過重要嘅部位⋯⋯真係好靚、好正。
 
「我幫你沖啦。」我入埋去，係狹窄嘅浴室入面，企一個人已經勉勉強強，加我入去，更加窄。
 
我貼住呀詩嘅身體，基本上同佢已經貼實曬，無乜空位。
 
「唔洗啦，兩個人沖涼仲煩。」


 
「我幫你沖啦，咁就唔煩啦，你好好地享受下俾人服侍仲好啦。」我講完之後，呀詩無再講啲咩，莞爾一笑，嫣然無方。
 
我攞淋浴露，慢慢塗滿呀詩全身，每一吋肌膚我都無放過，輕撫每一個佢可能攰嘅位，就算呀詩背住我，我都感覺到佢放鬆嘅狀態。
 
我指尖游走佢胸部嘅時候，呀詩下意識地抖一抖。
 
「你係咪幫我沖涼㗎！」呀詩柔聲責罵。
 
「你唔好心邪就真！」我即刻駁嘴。
 
「係咩？我好似感覺到有嘢頂住我喎。」呀詩向後一伸，就捉住我漲大嘅巨龍。
 
我幫佢沖水，要佢轉身過嚟俾我沖水。
 


「不如我幫你出咗火先啦？」呀詩見到咁，亦好識做，硬住嘅我都忍得好辛苦。
 
但係我都唔想見住佢咁攰，仲要做呢樣嗰樣。
 
「唔洗啦，等你瞓夠，聽朝起身先啦。」我直接係佢嘴脣錫落去，我驚我再咁樣落去，會理智線斷裂。
 
「嚟，幫你洗埋頭先。」
 
我要呀詩轉個頭，幫佢洗頭，我其實唔識洗，洗到一塌糊塗，最後呀詩佢話不如佢洗返啦。
 
於是我就沖咗個快涼就出去，呀詩仲係入面沖水。
 
呀詩出水芙蓉嘅樣，幾時睇都咁靚，佢係房度拎個風筒出嚟吹頭髮。
 
「我嚟啦。」我接過佢手頭上嘅風筒。


 
呀詩笑了。
 
「做咩啊？」我無知地問，我以為呢個舉動實會sweet到佢，點知佢不明地笑。
 
「你依家先識做啊？之前咁多次都唔幫我吹頭髮！」呀詩甜蜜地抱怨著，雙手大模廝樣咁撓起嚟，成個公主咁。