［科幻有甜］《一場末日危機，令患上中二病的我變成救世者》18+: 第三十章：數據閘門

「睇嚟你朋友根本唔屬於呢個世界。」蘿莉立即意識到眼前少女唔係來自陰間嘅鬼魂。
最後我哋進入信和商場，發現一樓企咗大量等候投胎嘅靈體，佢哋塞住咗一條通道，令到嗰度嚴重癱瘓。
「數據通道癱瘓嘅原因，好可能係閘門被人做咗手腳。」馬太喺語音通訊度講。
「ROGER。我哋現在進入檢查，並且嘗試修復。」蘿莉回答。
我同蘿莉好辛苦咁逼入，然後打開其中一道通往後樓梯嘅後門，嗰度係一個數據閘門嘅後門所在地。
「呢度係程式嘅BACK END，你哋啲人類話陰間有天堂同地獄之分，其實全部都係由程式編寫出嚟，只要資料不斷更新，陰間就會出現同陽間一樣嘅環境.........」蘿莉一邊工作，一邊解釋數據閘門嘅用處。「果然有人喺閘門做咗手腳，令惡意靈體可以自由進入閘門投胎。」
數據閘門經過一輪撥亂反正，終於妥善修復。當工作完成後，我哋從後門再次進入商場，發現剛才令商場逼得水洩不通嘅靈體流已經順利投胎並且消失無蹤。
「你哋今次嘅任務已經完成，現在可以離開。」輪到夏娃啟動語音通訊。

我被一下電腦音效聲吵醒。嚮個位醒返之後，令我嚇一跳嘅係，我見到一絲不掛嘅蘿莉原來真係爆咗甲。佢瞓喺隔離伸懶腰，劈腿嘅動作非常誘人，胸前對波仲隱隱發光添。喺檢討會議中，馬太劈頭問我關於洛不凡同辛梓玲嘅野，我將我所知嘅野話俾佢知，除咗我同辛梓玲之間嘅關係。潛伏者擁有讀心術，能夠窺探別人思想。隨住能力提升，我開始識得點樣防範被對方進入自己嘅思維世界。


「身為人類冇可能擁有EXIT彈同識得入侵裡世界，所以我認為洛不凡好可能係撒旦嘅代理人，我想知佢背後有咩目的。至於你朋友辛梓玲，我唔知道點解佢會喺裡世界出現然後又消失，對於佢可以用武器喺裡世界傷人更加係難以置信，我想你跟進調查一下。」聽完報告後，馬太將結果總結及分析。
「辛梓玲係咪你以前嘅女朋友？」就喺呢一刻，夏娃突然問起我，睇佢樣好似好關心對方。