《你信唔信，真係有前世今生》: 3.3

「今日係個比街坊嘅嘉年華會，我地禮堂呢度台上有表演，台下有攤位遊戲。而你地兩位呢，就負責門口接待，見到人入黎就打個招呼，派個禮包比佢，歡迎下佢入去玩遊戲。」他從後面的紙箱拿出一袋紅色的禮包，然後放在檯上。

「如果有咩問題你答唔到就搵我，我應該都起附近。」

「咁你地幫我手執下張檯，擺好啲禮包起檯，方便你地陣間派。」他指一指後面幾箱禮包。

「好啊。」我說。

Samuel走開了，Ken自動的走到箱子前，從後面的箱子裡拿出禮包，然後遞給我。





我把它們一袋一袋整齊的排列在檯上，直至檯上排滿了紅色的禮包。

這個時候還沒有人來，我們兩個坐下。我好奇的打開其中一包禮包，裡面有一小包米、毛巾、米粉、洗潔精，也就是很基本的東西。

「係呢，你同Samuel係點樣識？」Ken忽然好奇的問，然後認真的看著我。

我迴避他的眼神，然後勉強作個故事帶過：「哦......佢係我朋友個朋友，嗰啲朋友搭朋友嘅聚會，咁我又有興趣做下義工，咪留左個contact比佢囉。」
Ken皺起眉頭質疑的問：「平時都好少聽你講有呢啲飯局嘅？」

「哦，都真係唔多嘅，不過就係嗰次咁啱囉。欸，有時啲野就係咁啱嫁啦，你話係咪？」我繼續掩飾，迴避他的眼光，逃避他的問題。





「咁又係。嗱，Smauel嗰人都幾好嫁，做社工、屋企又有啲錢，又高大......可以諗下佢啵。」

「乜你同佢好熟嘅咩？做咩起度sell佢姐。」我問。

「哦，中學同學，都幾熟嫁，高Form個三年都同班。我平時都唔做義工嘅，咁佢講到今日個活動咁唔夠人，我冇得唔捱義氣黎幫手啦，一場中學同學。」

「啊，有你呢啲中同真係好喇。」我說，然後想起自己當年的中同，屈指一算，也有半年沒有見面了。

「咁一場兄弟，點都要幫嘅。」





禮堂的大門打開，七、八個穿著街坊裝束的姨姨急步向著我們走來，有幾個還拖著小朋友。
「早晨啊，歡迎你地黎。」

「早晨啊，妹妹。」她們總是這樣回應，急不及待的拿起禮包。

她們伸出手臂，打算自己抓一袋禮包。我連忙在她們碰到禮包前把禮包遞過去。

其中一個身穿粉紅色衣服的姨姨打開禮包，然後叫了一句：「哇，乜今日咁少野嫁，上次我去隔離中心有月餅。」

「我上次去隔離中心有罐頭鮑魚添啊。」旁邊的另一個阿姨附和。

我和Ken自然的對望了一下，一臉無奈。

「點解你有毛巾我係百潔布？」其中一個白色衫的肥姨姨跟旁邊的姨姨說道。





「我想要百潔布多啲囉，值錢啲。」她們邊吵著邊離開，看著她們遠去的背影，我的耳根終於換來清靜。

「乜宜家啲社區中心咁癡線嘅，派鮑魚。」Ken說。

「係囉，咁癡線嘅。」我說。

我們兩個坐下，然後對話再次停下來。四周都是人們歡樂的聲音，台上一群小孩子表演舞蹈。動作不整齊，走位時還有一兩個迷失方向，忽然慌張起來，談不上好看，但臉上的稚氣總是讓人會心微笑。
「啲小朋友都幾得意。」

「哈哈，都唔齊嘅，好似各有各跳。」Ken說。

「咁先係最得意，小朋友唔好要求咁高。」我說。

「都係，呢度唔係北韓，哈哈。」





「哈哈。」

我看著他拿出手機，一聲不發的滑著手機，我也跟著他。這就是現代人表達不想對話的方式，回到自己的小空間。

直到有人走過來，我們才站起來把禮物包遞給他們，然後又再次回到自己的小空間。

現在時間尚早，Instagram上人們的story還是昨晚的大餐、美照，千篇一律，沒有什麼特別。

「嗚......」耳邊傳來小孩哭泣的聲音。

Ken和我幾乎同一時間向窗口方向望過去。