《你信唔信，真係有前世今生》: 2.10

要忘記一個人，最好的方法就是找另一個可以寄託的人。

May分手才過了三個多月又拍拖了，我們自然要約出來慶祝一下，要她請我們吃飯。今次聚會的焦點當然是May。她結交了新男友，天天都在ig上放閃。

「May，估唔到你咁快又出翻pool。你條仔做邊行嫁？」Suki一見面就問May。

「佢做Audit。」

「睇落好似幾有錢咁，好似成日帶你周圍去嘅。」





「哦，佢屋企應該都幾有錢，一畢業就幫佢比左首期，佢宜家搬左出黎住。我諗住遲啲都會搬去同佢住，方便啲我返工。」May一臉幸福的說道，看著她嘴角含春的樣子就知道她找到對的人，

「咁快啊，幾個月咋啵，咁快發展到呢個地步喇。」我有點驚訝，感情進展得如此的快，已經到達可以同居的程度。

「都冇咩嘅，同居都唔代表咩。」

Suki忽然把話題轉向我：「係囉，啊Joyce，你自己都同個聲稱係朋友嘅男仔同居啦。」

我馬上澄清，然後繼續主題：「嗱，咁我嗰個真係朋友嘛。欸，唔好講我啦，咁你同你條仔點樣識嫁？」





「我都估唔到咁快就識到。」May腼腆的說。

「我同佢係用交友app識。」May輕聲說，好像怕鄰座的客人聽見。

「有咩尷尬姐，依家呢個年代個個都交友App嫁啦。」Suki理直氣壯的說道。

Suki忽然把目光轉移到我身上，接著說：「Joyce，你都真係好應該試下，你個人咁毒都唔會識到朋友。」

「吓，乜你又好好咩？」我反問，Suki一向都沒有異性緣，或許是說話總是比較直腸直肚，男生一般都難以招架。





Suki一副囂張的樣子回應：「嗱嗱嗱，實不相暪，我都有用開App識下人，識下都冇壞啊。」

「我都唔鍾意同陌生人傾計。」我只想平淡帶過這個話題。

Suki一手搶過我放在檯面的手機：「試下啦，我幫你搞喇。」

「唔洗啦。」我試圖把手機搶回來。

「唔係呢，試下都冇壞啊。」May也攔住我。

「唉，Fine，你地鍾意啦。」我無奈的看著興高采烈的兩人，反正都是肉隨砧板上了，掙扎也沒用。
「首先呢，幫你揀張相先。」她們兩個笑得像看到不該看的照片。

「嗱，你地係就認真少少啊，唔好揀我啲柒相啊。」我說。





「得喇得喇。」Suki敷衍的說。

「跟住，打翻個intro。」May拿著手機飛快的打著字。「哈哈，就咁樣啦。」

「之後呢......幫佢配對埋先啦。呢個都幾高質咁。」

「唔得啦，呢個好明顯扮ABC啦。」

「人地真係外國翻黎囉，仲好大隻啵。」

「係幾好J嘅，不過Joyce點都唔會鐘意呢type啦。」

「嗱，你睇喇，呢個好咩？」Suki把手機轉向我。照片的背景是郊外，那是一個穿著背心短褲，雙手插袋，刻意擠出手臂肌肉的男子。

「不了，不了，太muscular。」我一向對肌肉男沒興趣。





「我都話嫁啦，我同佢住左咁耐，我最了解Joyce。」Suki沾沾自喜。

「點解唔試下姐，肌肉男都可以好溫柔體貼。」May嘟著嘴說以示不滿。

「唔好啦。」我搖著頭說。

「咁呢個呢？」手機裡展示了一個架著眼鏡的男子，看起來很正氣，可是有點沉默的感覺，好像Ken比較有趣。

「唔好啦，呢個睇落好似好悶咁。」我說。

她們又再次轉過電話給我看，那個男生看起來有點像Ken，可是那個人的啡色頭髮讓人看不順眼。

「呢個望落好mk。」





=1.1rem「唉啊，不如算啦，唔好幫我搵啦，隨緣啦。」我打從一開始就不是很想在交友App上認識陌生人，畢竟網上騙案很多。再者，從零去認識一個人到發展情侶關係，要花許多時間和心力。「你個個都話唔好嫁，點會match到啊？」Suki說。

「係囉，點解唔試下，傾下再決定？」May也附和。

「是但啦，係人都like左先啦，match到先算。」Suki開始不停的按手機。

「唉，你地鐘意啦，幫我拍板喇。」我最後還是放棄掙扎。

於是，她們按著我的手機，悄悄講話，時而放聲大笑。

「哈哈，呢個真係頂唔順咁矮。」

「呢個一定就知係player啦，飛。」

我只好無奈的看著她們兩個，沒能按手機，只好呆呆的環顧四周。





Suki忽然把手機遞到我面前：「喂，你個Ken搵你啊，問你幾時翻屋企啵。」

我馬上接過手機，有種失而復得的感覺。

「哎呀，人地掛住你啊，快啲覆人啦。」Suki說。

「怪唔知得唔想用交友app啦，係咪心有所屬？」May也跟著附和。

我低頭看著手機，回覆著：「今晚夜啲翻啊。」

他沒有即時回覆。

我想，他只是待在家裡，對著一對情侶感到無聊，於是隨意發個問候的信息。

「我地幫你like左啲仔仔，你得閒開下，睇下有冇match到啦。」Suki見我放低手機就說。

「哦，多謝你地咁熱心啵。」我無奈的說。

「我都想我好姐妹搵到幸福嘅。」Suki笑著說。

這也是我的心願，不過我不相信交友App可以帶給我幸福。