《你信唔信，真係有前世今生》: 1.10

James忽然打開話題：「你地有冇睇娛樂新聞，唱歌嗰個Joanne同嗰個電視藝員Bobby結婚。」

「吓，佢地好多年老友，記得嗰次有個節目請佢地兩個上黎講，佢地話點都唔會有機會一齊，只係互相扶持嘅好朋友，係純友誼。」我說。

「男同女之間邊有一世嘅純友誼嫁？啲人咁都信嘅。」Ken嘲諷著。

「咁朋友唔係男就係女啦，點解唔可以有純友誼先？」我問。

「所有愛情都由友誼開始，一男一女，又點可以一口咬定唔會有一日發生親密關係先？」James說。





人們都說，男朋友都是從朋友開始的。

「朋友」跟「男朋友」就只差一個字。可是，要添上這一個字，可能得要上幾十萬字來描述的經歷。

「但係男仔都會稱啲好Friend嘅女性朋友做兄弟啵。」我說。

「叫佢做兄弟姐，唔係真係兄弟嘛，個女仔都係冇J，始終都係女仔黎。」James說。

「但係對女仔黎講，如果係稱兄道弟嘅，我諗會守住條底線做朋友掛。始終朋友同男朋友係兩樣野黎，都分得清楚。」





「唉，呢個世界邊有咁多兄弟啊，唔好咁天真啦。」Ken拍一拍James的肩膀。

James接著說：「你地啲女收兵都係咁講，兄弟、朋友。」

「不過睇你都唔會收到兵啦。」Ken急不及待的說，然後看著我。

這樣的玩笑我都習慣了，反正我的外貌的確不是很出眾，也真的沒有太多桃花。

「好衰囉，次次都係咁笑我嘅。」我抿起嘴巴，然後打了他的手臂一下。





「咁係啊嘛。」他說。

我沒有說下去，反正我也講不過他們兩個男生。

大概是Cassandra占卜的兩個星期後，有一天，我晚上回到宿舍，一打開門就看見Suki和May坐在床邊。May低頭嗚嗚的哭泣著，手上拿著紙巾，旁邊還有十幾團的雲吞。

我一臉疑惑的看著Suki，想著到底是什麼一回事。

Suki低聲跟我說：「佢同Simon散左。」

聽到這一句，我感到錯愕。我輕輕放下背包，然後坐在May的左邊。

她低著頭，用紙巾蓋著眼睛，把頭靠向我，我順勢把她緊緊的抱著，當兩顆心的距離靠近，我能夠感受他的難過。

「嗚......Joyce。」





我一下接一下輕輕的拍著他的肩。

「哦，喊啦，喊出黎會舒服啲。」我只想靜靜的陪著May。

「嗚嗚......點解佢要掉低我，咁耐嘅感情，點解啊？」

「明明我地都傾好左，點解最後佢都係要同我講分手？我唔明啊。嗚嗚......」

忽然之間，她躺在我的大腿上繼續哭泣，我也順勢撫摸著他的額頭。

「嗚嗚......」

安慰失戀的人最好的方法就是讓她哭，不要管她，再多的說話也沒有用。不知道她哭了多久，腿上的頭一動不動的，呼吸也慢了起來。





她總不能一整晚睡在我的腿上，我的腿早已發麻。

於是，Suki先把她的頭扶起來，再把她抱起。我站起來，然後扶著May的腳，讓她躺在我們的床上，或許她哭得太累了，沒有醒過來。

「呼。」總算告一段落，把她安置在床上。

「出去傾兩句。」Suki指著房門。

我輕輕的打開門，然後小心翼翼的把門關上，就像人家在偷東西似的。

Pantry沒有人，於是我們就坐在那邊。

Suki一臉愁容，然後慨嘆：「唉，Simon飛左佢。」

「冇啦啦又會咁，佢地分手嘅原因係？」我很驚訝，畢竟事出太突然。





我也很難過，看著他們兩個互相認識，再成為情侶，在這個宿舍裡是一對俊男美女。