不如我們分開一年，好嗎？: 第二十七章

夕陽無限好，可惜很短暫。日落西山，我們也要離開大澳，繼續下一站的行程。

「嘩！我地今日真係港九新界都遊勻晒！」詠琳開心地說。

「我地仲有行程未去㗎。」

「我記得呀！我地都未去沙灘……係喎！我一路都以為你會日頭帶我去沙灘添，原來係夜晚先去！」

「不過我地去沙灘之前要食咗飯先。」





我的打算是去赤柱沙灘。原本想帶詠琳去廟街吃煲仔飯，怎麼說煲仔飯也是香港其中一大特色美食，不過我沒想過我們在大澳逗留了這麼久，因此現在應該不夠時間，只好直接先入赤柱再找東西吃。

詠琳今早這麼起床，還折騰了整天，去了這麼多地方，因此她已經疲態盡現。在返回市區的巴士上，她伏在我肩膊上睡著了。我盡可能不亂動，以免弄醒她。但是坐著坐著，我也抵不住睡魔的誘惑。

「小朋友，到總站喇！」巴士司機叫喊著，我們才捨得尷尷尬尬地下車。

經過一大番兜轉，我們終於在八時許到達赤柱……

「我地不如去搵啲嘢食先啦，我好肚餓呀……」詠琳說。





我們嘗試尋找餐廳，可是大部分都已經休息。我們最終找到一間薄餅店……

「我哋買一個pizza share吖！」

「呢度啲pizza好大個架，一個夠十幾個人食……你買兩件好喇。」

她不服氣地買了四件，然後吃了一件就喊飽。

「時間差唔多喇，我地過去沙灘啦。」





赤柱正灘在市集的另一邊，可是我們到達時，正灘似乎已經關掉。

「吓唔係掛……一場嚟到竟然閂咗？」詠琳十分失望地說。

「係囉，等我仲預備咗咁多嘢……」我也難掩自己失落的情緒。「但係我好似從來都無聽過沙灘會咁早閂架喎……」

「係囉係囉，我記得之前中秋節，我有同爸爸媽媽夜媽媽去沙灘玩，無理由咁早就休息喎！」

我們不服氣在四周尋找。

「嗰度先係呀！」

原來我們剛才找錯地方。

這個時候除了我們，沙灘一個人也沒有。





「我去換衫先，你等一陣。」詠琳說。

然後我很快地用沙砌了一個蛋糕，再從袋中拿出蠟燭。

「生日快樂！」詠琳出來了，我把蠟燭燃點，跟她說。

「嘩吓？？！」她嚇呆了。「多謝你呀！」

她興奮的擁抱著我，過了幾秒才放手。

我們一起坐在沙灘上，抬頭看著天空。

「好多星星呀！」她指著天空說。





今夜天朗氣清，加上這裏遠離市區，繁星照亮著整個天空。

「真係好靚……」

「咁樣坐喺沙灘睇星星好浪漫！可惜唔係成日有機會……」

「你想嚟睇嘅，下次再帶你嚟睇囉！」

「我自己唔識嚟咩？」詠琳打了一下我的頭。

「係咁你自己一個人睇下浪唔浪漫囉！」我不服氣地說。

「好啦好啦，係咁下次我就帶埋你嚟啦！」

星空，很美，但它高掛天上，我無法捉緊它。





我又能夠捉緊詠琳嗎？