不如我們分開一年，好嗎？: 第二十一章

自從那天以後，我又重新期待着每天見到詠琳的時間。

「我琴日上網睇到首新詩，個作者寫得幾得意！」詠琳又跟我分享受生活點滴，然後她給了我看那首詩。

我對文學很有興趣，但實在較少研究詩詞。

「我覺得詩真係好得意！以前的詩人寫詩可以寫得好有意境，讀出嚟又琅琅上口，而且仲唔使好直白、可以好含蓄咁講晒自己啲感受出嚟，俾讀者有自己嘅領略。」詠琳說。

「我對古代嘅詩詞就真係少研究啲，反而比較鍾意睇散文，可以好好欣賞下人地文筆，提升自己寫作水平。」談到有關文學的話題，我終於可以滔滔不絕的說話了。



整個車程，我們都在交流閱讀古代和現代文學的心得。不過為免把大家悶壞，我還是不把內容寫出來了。

「其實都唔係咁難理解佢啫……不過真係估唔到佢對文學都咁有興趣。」我把剛才的對話總結給文謙聽，然後他說。

「咁話晒我都係文學班識佢……」我說完這句，當頭棒喝。其實我也不是真的完全不了解詠琳！

因此我比以前更加專心留意詠琳說的話。

「我陣間要做SBA，好驚呀！」詠琳說。其實她昨晚在whatsapp已經跟我說了一遍。



「唔使太擔心喎，你一定無問題。」

「其實咁多科裏面我最驚就係中文……」

「你中文唔係好叻架咩？」我疑惑地問。

「但係我鍾意讀嗰啲都係詩經嗰啲唔使考嘅嘢……」

「對自己有啲信心就得啦。」



「始終都係唔想衰俾人睇吖嘛！」

我今天才知道原來詠琳跟我一樣都是個學霸。

＊＊＊

韶華如駛，聖誕假期要開始了。不過在我和詠琳享受平安夜之前，還是有一關要過。

沒錯，那就是一直令我耿耿於懷的聖誕舞會。

到底詠琳會在舞會認識幾多男孩子？

越想就越不開心，但我又忍不住按進facebook，然後看見穿得很隆重的詠琳，和幾個男生單獨合照，笑得很燦爛。

我有種心如刀割的感覺。無論我怎樣用力按壓胸口，也止不住這種疼痛。但不要緊。你開心就好了。



況且，明晚我也可以跟你獨處吧。

縱然如此，我無法阻止自己胡思亂想。我再次失眠了。

我待會應該怎麼面對詠琳？裝作完全沒事？抑或勇敢問她昨晚玩得開不開心？她聽到我這樣問之後會有什麼反應？她會因此而憎恨我嗎？

我不知所措得……就像表白前的那晚一樣。

時間差不多，要到樓下等詠琳了。

慢着……

若果她喜歡我，為什麼她昨晚要去舞會呢？若果她不是喜歡我，我今晚還為什麼要去見她呢？



「喂，詠琳呀……我今晚呢屋企人突然間話要同我食飯，所以我今晚同唔到你一齊喇，sorry。」

我還是決定懦弱地逃避。

「你呃緊邊個？」話筒的另一邊傳來詠琳的聲音，平靜但帶點嚴肅。「我喺你後面。」