魔獸工作室: 飯聚

9月14，中秋節翌日。

餐廳裡人聲鼎沸，方鴻漸和其他五位大專老朋友在長桌兩邊並排就座。桌上安裝著兩個瓦斯加熱的烤盤，輕煙氤氳，幾片肥牛、金針菇和鱈魚塊在烤盤上滋滋的滴著肥油。一身休閒服的方鴻漸旁邊是穿著高領運動衫、打扮清爽的凌禁和穿中性T恤的宋弦思，三人低調的吃著東西，反倒是對面的其餘三人，正旁若無人的高談闊論……

朋友A(憤怒): 「講起送中條例就扯火，當初一再罔顧港人聲音硬推呢條惡法，到依家831出咗件咁嘅事，先話正式撤回，會唔會遲咗啲？喂大佬，太子打死人啊！」

朋友B(驚青): 「係囉，如果林鄭肯同市民展開對話，根本唔會令抗爭演變成咁。嚇死人咩，啲速龍竟然可以直接入地鐵車廂打人，叫我以後點敢搭港鐵？」

朋友C(細細聲): 「你點解唔問下啲黑衣人，無啦啦點解要整爛地鐵嘅閘機？搞到一般市民諸多不便？」





朋友A(幾乎反枱): 「啊？你條友入咗政府做就幫哂啲狗講嘢？良心跌咗？」

朋友C沒再作聲，低頭默默扒飯，氣氛轉冷。

朋友A(冷聲，離席): 「我出去添餸。」
 
朋友B(同離席): 「我都去拎罐汽水……」
 
凌禁(看看朋友C，靜靜說): 「31號嗰日我都去咗金鐘、上過前線，入夜之後有人點火，我心諗唔妥，提前換咗件唔係黑色嘅外套撤離，唔係都『瀨嘢』……」
 




弦思(附和): 「我都參加過幾次十萬人以上嘅遊行，但係到終點打完卡就走，我唔想留案底。」
 
鴻漸(苦笑，岔開話題): 「講起上嚟，凌禁你唔係英雄聯盟嘅鑽一高玩咩？有怨氣嘅話可以發泄喺遊戲裡面啊！」
 
 凌禁(像看外星人般看鴻漸): 「英雄聯盟嘅環境太狹窄啦，每場對決都限死喺嗰張細細嘅地圖入面，玩耐咗就厭。」
 
鴻漸: 「不如試下魔獸世界懷舊版？最近有兄弟叫我去裡面創業。」
 
凌禁(失笑): 「嗰隻舊Game啊？我以前掂過，等過咗聽日再去睇下啦。」
 




弦思(會意): 「係喎，聽日係國際民主日，又有大規模示威，要唔要組隊？」

勢孤力弱的朋友C聞聲，眼神可憐巴巴的望來，凌禁尷尬的笑起來。