【大量粗口】【十八禁】叫雞默示錄: 驚到short咗

10
就係大家都DIEDAIR嘅時候，個女仔又再一次破左冰。
「無咩野。」
佢一秒之間由好沉重嘅面孔，變成笑笑口咁同我講。
之後，佢就繼續化妝，現場就繼續得番「嘀…嘀」嘅鐘聲。
老實講，我覺得自己好撚尷尬，係連一秒留係度嘅心情都無。
我情願佢屌尻我，話我"問乜柒啊，傻閪！，都好過咩都唔講。
而加自己好似去聽左一場演唱會，但係唱歌果個人居然係政府衛X局局長，佢笑住望我又唔知做乜，我又唔知做緊乜柒，有種互相隔離嘅感覺。
之但係，我真係同佢三唔識七，我連佢叫咩名都唔知，佢就算唔想講都絕對情有可原。反而佢無拿拿同我講點解會喊嘅理由，有機會又牽涉好多唔同層面嘅原因，又有咩理由要同我講先。我自己只係一個幸平水相逢嘅陌路人，我咪仲撚可疑！
我係明架，我真係明架，所有理都好合理……然後我自己都唔知做咩，突然其來又嬲嬲地。


屌！通常打個飛機之後會鬆一口氣架嘛，點解我屌完個閪反而會愈黎愈火滾架姐！
腦袋又係度胡思亂想，一邊諗點同老豆老母交代，點應付阿強，搵工又點好咁，成個人就輕輕地機。
一邊諗，一邊打開左道門，慢慢走番上自己屋企。
我訓番係自己張床度，順手關埋度門，即刻諗起阿強個樣。佢知我第二日就叫雞，一定笑到見牙唔見眼，若果之後比佢唆擺，加左佢果咩叫雞群，真係唔知點面對其他人。
完全無諗過自己會去做埋尐咁嘅野，愈諗愈傻閪。雖然真係好撚舒服，但係後果我根本承受唔到。
知道自己已經污糟，不論可能係身體上，又或者係精神上，唔知要幾耐先可以洗淨番。
如果真係有左性病，我會唔會好似大時代果芳芳咁，比人貼哂街招，唱通街架？同埋係唔係真係會死人架？而加好似話愛滋病都仲未可以醫得番架喎，同埋中左其他性病去邊度醫啊？菜花到底係花定係菜啊！
甚至乎，單單係果種心理壓力，一定會令我唔敢再大大方方行係條街度，因為其他人知道左一定會覺得我變態，噁心，恐怖！尐街坊可能會指撚住我黎屌！"含家產，仆街仔學人叫雞，斬左你條撚去！"
如果係父母同兄弟姐妹呢？佢地知道左會點樣睇我，仲會唔會用番正常眼光望我？就算覺得無咩野，之但係一定會有芥蒂，呢尐係潛意識嘅眼屎，唔係話抹就抹得到。到時可能連飯都無得一齊食，好似周星馳套整蠱專家咁，佢地驚坐過我張櫈啊屌，第一千零一個帶菌者！
一陣我去見工果陣，我係唔係要扮到咩事都無啊？唔撚洗估啊，一入到去，比個資歷老練嘅老細望我一眼咋，就已經知道我個腦諗咩啦！我到時一定會好想坦口，好想承認自己做過嘅錯事！大大聲咁講，"我頭先去左叫雞啊！嗚啊！對唔撚住啊！"。


我好撚驚，如今反而係太知道自己驚咩所以更加驚，眼淚係咁流，情緒好激動。
係呢一個時候，阿強居然打比我！
有無咁撚準時啊，含家產早知唔比個電話佢。
佢一黎就用把死人聲，人妖咁款問我：「喂！靚仔有無去叫雞啊，比左成日時間你，忍唔忍得住呢？」
我好格硬先唔比自己喊嘅聲入到部電話：「我……頭先去左。」
「去左廁所吖？定去左打飛機吖？拿我教精你啦，打飛機要用唔慣……」我打斷佢鳩噏，直接講：「我頭先去左叫雞吖。」
「下！我屌！唔撚係啊……」
佢居然啞左幾秒，之後唔知諗通咩再講：「呃……咁咪幾好囉，咁你而加有無飄飄然，飛上天嘅感覺啊？正唔正先！」
我眼淚又流幾滴，邊流邊爆粗：「一尐都唔撚好啊，屌你老母！」
「哇，我老母都唔放過。


哎，你遲早都叫架啦，你咪當係以前中學果陣火警演習囉，人地又係跑街梯，你又係跑街梯咋嘛係咪係！
演習黎架嘛，人人都要做架啦，我又做，你又做，你尐親戚都會做架嘛，係咪先。」
「唉，點解我會咁撚廢，好人好姐去叫雞先得架，明明都唔係咁樣，到底做錯咩野事啊……」
阿強繼續尻噏：「喂……你冷靜尐，無野嘅，電影都有話啦「唔賭唔知時運高，唔滾唔知身體好」。你咪當自己身體檢查囉，你而加正正就係檢查完，個醫生話你身體好啊！身壯力健，做多幾獲都得！」
「唉屌，總之你唔好話比其他人知啦，我之後真係唔會再去……而且你就算唔打黎，我之後都會搵你。」
阿強：「我知，你緊係想加入我地「愉悅戰友」嘅群呢。」
除左屌佢老虎之外我真唔係吐嘈唔到咩野。
我：「我係想問你關於果尐性病嘅野，唉，你比個時間我啦，到時先傾。」
阿強：「喔，今晚要番工，你唔怕遲小小就我放左工搵你啦，差唔多七、八點時間。到時仲可以傾埋「歡樂卡」添……
我已經無力聽佢廢言，直接講：「咁今晚見。」然後收左佢線。
「唉……屌……」
我隻身訓左係張床，成個腦都仲係後悔、後悔、同埋後悔嘅心情。
好想將時間較番一個鐘前，咩事都無發生過。
下次再有精蟲上腦嘅時候，直接打個飛機，當咩事都無發生過就算，打飛機雖然都衰仔但起碼唔會做埋尐蠢事……哇，但係住呢度，一有性衝動就自瀆，仆街！咁味一日要打幾次飛機？又要一個人住，我驚自己完全變左「恐怖直立猿」啊，失撚哂控啊！
係我又又又胡思亂想之際，我好似醒起某尐野。


「咦？」
頭先，叫完雞之後，我太過嬲，情緒太過激動之下，好似無比到錢果女仔就走左……