【大量粗口】【十八禁】叫雞默示錄: 你做咩喊啊？
9
呢一種令人感覺到沉靜嘅水流，就好似儀式一樣，象徵住我地結束呢一段短暫嘅關係。
而加就算望番條女一絲不掛，波濤洶湧嘅身體，居然就好似眺望緊一一望無際嘅東太平洋一樣。心境可謂毫無波動，平撚靜過寶蓮寺尊大佛。
亦因此，我先至回復番自己嘅思維——我……我到底做左尐乜撚野啊！
尋日先同阿強講我青頭仔唔會去叫雞，仆你個街今日就叫左！？
頭先仲要狼死到，屌到條女反白眼咁制！淨為係左果一種舒服嘅感覺，我就可以做到呢種地步？
明明岩岩先搬完屋，咩都味搞掂，兼職我都未搵，點同老母交代啊，我屌！
如果有性病咁點啊？如果淨係因為呢一次有左愛滋咁點啊？
我真係狗都不如，好撚廢好撚垃圾啊！
「尐水太凍？」可能見我突然之間愁眉苦臉，幫我沖涼果女仔就問我。
我一望到佢塊臉，果種罪惡感就轉嫁左係佢度，個腦就淨係喺度諗一日都係個女仔衰，所有野都係因為佢。
＂如果佢唔開門比我咪無事囉！＂
＂點解咁早你就要開工啊！＂
＂咁候生就學人做雞，如果係其他人我就唔會入去啦！＂
但係我理智上知道咁諗好唔負責，會黎呢度真係得一個原因——就係我咸濕！
如果我真心相信，我自己去叫雞居然係佢問題，咁我比起街邊尐旺財更加狗。
「無野，我第一次做，有小小失魂姐。」
「吓？你第一次做？你係第一次黎呢尐地方？」
「我連愛都係第一次做……」
聽到我咁講，我以為佢嘅反應係笑一笑，然後封番一封利是比我，再同我講＂姐姐幫你登大朗啦，多謝我啦！＂。
點知佢皺哂眉，第一句就話：「你講笑咋啊？你咁講邊有人信啊？」
「吓啊……但係我真係……。」
「你咁樣呃人無用架，我地呢尐一睇就知你係咪架啦。我本來仲信你嘅，但如果你真係未做過嘅，頭先你邊會咁順手姐。」
「吓……吓？」比佢趌到口啞啞，仲要唔知點解臉都紅哂，又有一種比人睇穿嘅錯覺……真係錯覺!因為我真係處男！你老未"西貢處男"都有得馨香架咩。
沖完個涼，佢幫我抹乾身之後，雙方都著番件衫。
基本上，除左沖涼果陣傾過幾句之後，大家都係無出過聲……
係黎之前，我一直都覺得，現代社會人與人之間嘅距離之所以會咁疏離，就係因為接觸嘅機會太少，科技令到人類面對面嘅機會大大減少左；所以我一直都建議大家擁抱下，就算言語不通，終必會心靈相通，因為大家始終都係地球上嘅兄弟姐妹。
屌你老鼠，而加個關係親近到已經不能再親近啦喎！乜可以有比性關係更加親近嘅關係咩？除左性之外咁淨係得番食嘅姐，唔通真係要做家明先可以達至心靈相通？
唉，之前仲笑尻尐嫖客個個木口木臉，原來入到黎我自己仲衰撚過哂佢地。
明明年輕力壯，靚靚仔仔，一表人才咁，但不幸地居然患有「語癌」。字都唔撚識講，仲枉我受過咁多年高等教育，學到我成PAT杘咁！
就係咁樣，而家我就坐左係張床度，雖然我自己就已經著番好哂尐衫，但個女仔就仲著緊。
我望住一個素未謀面嘅女仔，係我面前毫無保留咁，一件又一件左穿右插番自己尐衣物。所有平時好想望得一清二楚嘅部位，例如個腋下，胸部，屁股，甚至係私處都睇得通通透透。
我咁大個仔，最多都係喺游水池度望到其他男人換衫，女仔嘅內衣就淨係見過老母果件，真人肉體就當然都係睇四仔啦，仲要咁多年都單身，基本上我係無試過而加呢種情況。
成個畫面好夢幻，仲虛無過睇AV。
好神奇嘅係，我居然係會覺得理所當然。我以為自己係會更加，更加咁緊張，更加怕羞，唔敢去望眼前呢副雌性嘅皮囊。
到底係咩原因呢？
而我呢個LEVEL，岩岩先打完人生中第一個BOSS黎講，我諗我有排升LV，去等智慧成長到某個層次先分析得到。
正當我思緒又周遊列國之際，條女坐左係我格黎：「你野條真係好大條，你係味有訓練過，定係你一生出黎就係咁大條？」
「吓？ER……我無練過啊……」
「真係無練過架？咁你好勁喎！」佢邊講，邊用化妝品重新幫自己上妝。
「我之前做外國人生意呢，都無你果條咁大啊，你平時呢係唔係成日係屋企打飛機架？」
「吓……？都有小小嘅……」佢問乜春啊屌。
「聽人講呢，打得多都縮架喎，咁姐係其實你唔係打得多囉。
同埋尐人通常都好快射，之後就借尐咦話我身材正，所以先忍唔住，但係你條野大之餘，仲頂到好耐，哈哈。」
「啊…哈…嗯。」我比佢講到面紅耳赤。
已經唔係分唔分到佢係咪讚我呢個問題，而係，我個腦緊張到天旋地轉，一同女仔講野就慌到小兒麻痺，淆到自己都唔知自己做緊乜柒。
頭先仲諗咩人與人之間交流，又咩自己已經冷靜到看破紅塵……挑！真係自己收收皮先啦，廢撚到我自己都評價唔到自己。
「嗱！你就多尐上黎啦，平時見得多伯父阿叔，其實唔係好開胃。
不過就唔好太夜囉，因為攰果陣比咁大支野頂會好辛苦囉。
你應該都係番通宵更架嘛，我有無估錯？咁你放工咪黎玩下囉，陪下我。」
「哦……嗯。」我無業囉，同埋你邊隻眼睇得出我番通宵更架，痴撚線架咩。
真係好閪多野講啊條女，仆你個街！我完全覺得自己心靈比佢入侵緊！好撚想再用條撚塞住佢個嘴！
我：「頭先……」
佢：「咩野啊？」
我：「我頭先係咪大太力，因為好似搞到你喊左出黎，唔係幾好意思。」
當我講完呢句之後，佢啞口無言咁，眼大大咁望番住我。
成場又突然靜哂，佢化妝都停埋，得番牆角果個唔知幾多年嘅鐘仲係度「嘀…嘀…嘀…」。
咦……我又講錯野？
唉，而加想喊果個係我啊。